VOV4.K’ho – Tu\ pơgap 10 jiơ mang 1/3 tàm gùng rơndeh 26, gơl lòt gam thị trấn Ea Kar, kơnhoàl Ea Kar, càr Daklak gơlik geh rềs àr ngòt rơngơt ngan lơh 2 nă cau chơt, 1 nă cau pal mut tàm hìu sơnơm tài sồt să kơnjơ\ ir. Rềs àr gơlik geh tu\ bi Nguyễn Anh Dũng, 40 sơnam, ơm tàm xã Xuân Phú, kơnhoàl Ea Kar mai\ rơndeh honđa geh bàng sồ 47F1-33910 lòt jat gùng bơh kơnhoàl M’Drak tus [òn dờng Buôn Ma Thuột. Tu\ tus gơl gùng tam tìp mờ gùng pleh gùng rơndeh 26 dê den gơ di tơm bi Nguyễn Văn Vụ, 40 sơnam, ơm tàm xã Ea Đar, kơnhoàl Ea Kar, mai\ rơndeh honđa geh bàng sồ 47F1-09749 pơndiang pơ ùr là bi ùr Mai Thị Lan Anh, 39 sơnam, lòt bơh gùng pleh lik hờ gùng rơndeh 26. Dơ\ tàm tơm neh lơh bi Dũng mờ bi Vụ chơt tơn, bi ùr Lan Anh gơtìp sồt să kơnjơ\, geh làng bol jun tus hìu sơnơm càr Daklak tàm bơta ngòt rơ ngơt, 2 nơm rơndeh mai\ gơtìp bơcah jơh tơn. Tu\ do, jơnau lơh gơbàn rềs àr gam geh anih lơh broă geh gơnoar lùp khàu lơh loh.

                   Cau cih mờ yal tơnggit K’Duẩn