VOV4.K’ho- Bulah kal ke gam uă sơl, mơya uă cau bơsram dờng là cau kòn cau tàm càr Daklak neh lơh ngan sơrlèt gan kal ke, ờ mìng bơsram jak lơm gời ờ mờ gam jơh nùs ngan tai tus bal lơh ală broă lơh dong kờl is tài làng bol [òn lơgar.

Là kòn tơnhoa tàm dùl hìu bơnhă bơh yau lơh broă sa sươn sre tàm xã r[ah ngan gơ wèt kơnhoàl Buôn Đôn, càr Daklak dê, den tàng oh Vi Thị Tươi, kòn cau Nùng, cau bơsram dờng gah Y Đa khoa, hìu bơsram Đại học Tây Nguyên sùm sền ngac mờ rơcang is tàm broă bơsram.

Vi Thị Tươi pà gi\t, jơnau bơsram bơh gah Y Đa khoa dê là kal ke ngan, mờ geh tai uă tơngume pơlam lơh đah bơdìh, bơsram tai, rơndăp broă lơh học thuật den tàng broă rơndăp tu\ jiơ dipal là jơnau kờ` ngan nàng lơh ndrờm bal đah broă bơsram mờ tus bal lơh ală broă lơh ndai.

                                                                  Cau bơsram dờng kòn cau geh pơnrơ jăk

Ờ mìng bơsram jak lơm gời ờ, oh Tươi gam tus bal lơh uă broă lơh dong kờl is, là cau tàm câu lạc bộ Một sức khoẻ bơh Hìu bơsram Đại học Tây Nguyên dê, sùm lòt tus tàm ală [òn kòn cau mblàng yal ală tơngume bè pràn kơldang să jan ai làng bol in; tus bal lơh uă broă lơh bơh đoàn hìu bơsram dê lam lơh, uă dơ\ lòt lơh bal dơ\ lơh broă kàl rlô bơkang mờ dong kờl kàl pơrlòng mờ neh 6 dơ\ pà mhàm dong kờl is. Sùm 8 tơngai bơsram pa do, điềm kờp bal bơh Tươi dê sùm geh khà jak ngan, là cau bơsram dờng jak kơnă hìu bơsram. Oh Vi Thị Tươi, yal bè do:

“Oh sơnơng là, tu\ gam là cau bơsram dờng den broă bơsram là dờng màng ngan rlau jơh, oh geh lơh lài khà dùl. Mơya, oh sơnơng là dilah mìng bơsram lơm, dờp gi\t jơnau gi\t wă lơm den là ờ tơl, mờ he pal bơsram tàp ală bơta chài ndai tai, ngan là rơnàng kơnòm să là sơnam pal tă pơgồp dà kơlhề, pal kis ai pơđơl jơh pràn he dê, den tàng bè hơ\ mờ oh tus bal lơh ală broă lơh dong kờl is, den oh sền go\ là rài kis he dê geh kuơ rlau, kis niam rlau tai mờ tơngai là  cau bơsram dờng bơh he dê geh uă tai jơnau pal kah rlau”.

Hìu bơnhă geh tus 9 nă oh mi, ală oh mi lài ndrờm bơsram ờ tus gùng tus dà, pal sơrbì bơsram bơh gờ`, den tàng oh H’ Uyên Niê, cau Rơđê, cau bơsram dờng gah Giáo dục kấp một, hìu bơsram Cao đẳng lơh pơgru Daklak sơlơ lơh ngan jơh nùs rlau tai nàng bơsram gơ in jak ngan, nàng tơnơ\ do gơ gơs là dùl nă ùr pơgru.

Oh H’Uyên Niê sùm lơh ngan bơsram, săp khà jak ngan tàm jơh ală jơnau bơsram, điềm kờp bal tơngai bơsram pa do geh 3,86 (tàm sèng điềm 4). Oh H’Uyên Niê yal, sền go\ uă oh dềt tàm [òn tài bơh rài kis hìu bơnhă kal ke ngan den tàng sơrbì bơsram, să tờm oh mìng kờ` he gơtùi bơsram jơh broă bơsram mhar nàng rê wơl hờ [òn lơgar, bơto sră ai ală oh dềt in.

Bơdìh mờ tu\ jiơ bơsram tàm ơdu\ mờ tus bal lơh ală broă lơh Đoàn, hội bơh hìu bơsram lam lơh, pah tu\ rê còp hìu, ngan là tàm dơ\ kàl rlô bơkang, oh H’Uyên Niê lòt bal tai mờ ală ơruh pơnu tàm [òn pờ ơdu\ bơsram tai sră ai ală oh dềt in.

Do là tu\ niam dong oh H’Uyên Niê geh tàp ală bơta lơi mờ he neh bơsram, kung là dùl broă lơh nàng dong ală oh dềt tàm [òn geh bơsram sră [ươn gi\t rlau. Oh H’Uyên Niê, đơs:

“Rài kis gam uă kal ke, uă hìu bơnhă r[ah lơ ời, den tàng sồr uă oh dềt pal sơrbì bơsram bơh gờ` nàng dong broă tàm hìu bơnhă. Oh rwah bơsram gah bơto bơtê kấp một do, tài bơh kơ\p kơnờm là tơnơ\ do lik bơsram, he gơtùi lòt bơto sră, nàng dong ai hìu bơnhă mờ mpồl bơtiàn in, gơtùi bơto sră ai kơnòm bơsram in ală jơnau lơi mờ he neh bơsram tàm hìu bơsram”.

Ai gơ wèt mờ oh H’ Iem Kpă, cau Rơđê, cau bơsram dờng gah Lơh pơgru Lịch sử, hìu bơsram Đại học Quy Nhơn dê, kờ` lơh jat jơnau kơ\p kờ` ndrờm bal mờ broă lơh ngan sơrlèt gan sùm. Hìu bơnhă kis tàm kơnhoàl M’Drak, mè bèp lơh broă sa sươn sre lơm, jơh bal 6 nă oh mi ndrờm gam lòt bơsram den tàng oh H’Iem Kpă pal lơh ngan is lòt jòi is ală priă jền ngui sa tàm rài kis mờ bơsram sră tu\ bơsram ngài mờ hìu.

Gi\t broă bơsram là kuơmàng ngan rlau jơh, oh H’Iem Kpă neh tam pà tu\ jiơ bơsram di pal, ngui tu\ jiơ ru lòt lơh broă apah mờ tus bal lơh ală broă lơh srơh bơh Đoàn, hội tàm hìu bơsram lam lơh. Kơnờm bè hơ\ mờ oh H’Iem Kpă sùm lơh geh cồng nha jak ngan tàm broă bơsram, săp khà jak mờ điềm kờp bal là 8,1, mờ là cau bơsram dờng pơnrơ jak bơh gah Lơh pơgru Lịch sử hìu bơsram Đại học Quy Nhơn dê tàm tơngai bơsram pa do. Oh H’Iem Kpă, pà gi\t:

“Àng drim gờ` oh guh bơsram sră, tu\ lơi bơsram ờ gơmu\t den oh ơm rlô, ai ală tu\ jiơ ru ờ lòt bơsram tàm ơdu\ den oh lòt lơh broă, bè lơh tàm hìu `ô dà kơphê, dong broă tàm hìu tăc bung, phở. Broă tus bal lơh broă den uă ngan là ală broă lơh geh lơh tàm ngai rlô, oh ru den gơtùi lòt lơh”.

Bulah gam tìp uă ngan kal ke tàm rài kis, mơya ală cau bơsram dờng là cau kòn cau tàm càr Daklak kung gam sùm lơh ngan sơrlèt gan, lơh geh cồng nha jak ngan tàm broă bơsram. Bal mờ hơ\, ală oh kung jơh nùs ngan tus bal lơh ală broă lơh mpồl bơtiàn, dong kờl is tài làng bol [òn lơgar nàng bơsram tàp bơta chài ai să tờm in mờ tă pơgồp bơta pràn he dê ai [òn lơgar tiah ală oh ơm kis!

                                                    Cau cih mờ yal tơng^t - Lơ Mu K’ Yến