VOV4.K’ho - Rơndeh công nông la rơndeh geh ngui tàm ala\ càr Tây Nguyên đơs bal mờ càr Daklak đơs is. Bulah bè hơ\,  bơh broa\ lơh atbồ gam ua\ bơta ờ niam, den tàng rơndeh do neh lơh gơbàn ua\ ngan rềs àr, ờ niam tu\ lòt tàm gùng. Tềng đap bơta do,  gah lơh broa\ geh gơnoar bơh càr Daklak gam lơh ngan atbồ nền nòn bơh rơndeh công nông, lơh tơmù ua\ ngan  gơbàn aniai bơh rơndeh do.

            Pah  drim,  lòt jat gùng Hồ Chí Minh, gơl gan ala\ kơnhoàl Ea H’Leo,  Krông Buk, [òn drà Buôn Hồ, càr Daklak, tơl mpồl rơndeh công nông, làng bol mờng  hòi la rơndeh lơ òr geh lòt tam jat bal pơndiang cau đang rmòk mờ phan lơh broa\ lòt lơh broa\ tàm mìr. Mho mang,  ala\ mpồl rơndeh  do geh rê gal ngan tàm gùng dờng, pơndiang bềng  phan bơh lơh geh mờ ala\ cau đì đang  bù  phan  đang rơndeh. Bulah gùng Hồ Chí Minh gan tềng do neh geh lơh ơnàng, geh la\ cài ring ngan,  mơya mờ bơta  lòt tàm gùng bơh mpồl  rơndeh công nông gơ tàm tam pìt gùng bal mờ ala\ rơndeh ndai, gơl gùng lòt do geh ua\ ngan bơta gơbàn aniai. Sền go\ bơta do  pah ngai, bi Phùng Đức Nguyên kis tàm [òn Katy 2, ntum Cư\ Kpô, kơnhoàl Krông Buk, geh jơnau đơs: “Rơndeh lơ òr pơndiang ua\ cau la go\ gơlơh ngòt rngơt ngan, jat a` den  kuang àng pal bơsong kràn ngan tài rơndeh lơ òr ờ tơl niam bè gah thông số kỹ thuật mờ ntoat den mhar ir. Kuang àng pal bơsong pràn  ngan ala\ cau ntoat rat ir nàng  lơh glài do. Rơndeh lơ òr ntoat mờ kôn dilah  se\ mìng ntoat mhar ir, bu ba ir den gơ geh gơbàn kòl kôn hala kup tìs nàng se\ gùng den gơ bàn  gơ làk rơndeh la gơbàn ngan, chơt cau la jơnau bè ờs ngan”.

            Ờ mìng tàm gơl gùng Hồ Chí Minh gơl gan ala\ kơnhoàl đah tô càr Daklak mờ rơndeh công nông gam lòt tàm jơh ala\ gùng tàm càr. Trung tá Võ Hoài Giang kuang jat jơng atbồ Anih gùng lòt Krông Buk,  kuang àng càr Daklak ai git, rơndeh công nông gơbàn tìs pơndiang cau  mờ phan bơna gơbàn geh ua\ ngan, mơya mpồl lơh broa\ kảnh sát gùng lòt ờ gal cau, tiah lơh broa\ den ơnàng den tàng broa\ bơsong ờ kràn  jơh. Nàng geh  lơh niam bơta gơbàn do,  tàm tơngai tus mpồl geh tơngguh ngan broa\ sền gròi, geh ngui ala\ broa\ lơh krà` kơldang rlau nàng sền gàr ngap lơngai gùng lòt. Trung tá Võ Hoài Giang đơs: “Bol a` geh pơnjat tai geh tơngguh broa\ lơh lòt sền, sền gròi mờ bơsong kràn ngan ala\  gơbàn aniai, dùl la pơndiang cau dang thùng rơndeh, 2 la ờ geh sra\ nggal ma\y rơndeh,  3 la ntoat rơndeh  rat ir gơlam tus  bơta gơbàn aniai tus rềs àr gùng lòt. Bal mờ ala\ anih lơh broa\,  mpồl bơtìan, gơnoar atbồ [òn lơgar bol a` geh mblàng pơlam dờng ơnàng tus làng bol,  bol a` geh pơnjat tai bơyai lơh ai tus làng bol pơrgon ky\ ala\ cau ma\y rơndeh lơ òr tu\ lòt tàm gùng den pal lơh jat niam adat gùng lòt”.

            Jat geh cih,  rơndeh mờ cau ma\y rơndeh den pal kong bơta atbồ sra\ nggal bơh ala\ broa\ lơh dan cih mat,  đăng kiểm bơta chài, cau ma\y rơndeh pal bơsram geh  ai sra\ ma\y rơndeh hạng A4, blơi sra\  sền gàr kơnòm broa\ làng bol. Gùt càr Daklak geh pơgap di 80 rbô nơm rơndeh công nông, mơya mìng geh 13 rbô na\ cau geh sra\ ma\y rơndeh hạng A4. ờ tơl bơta chài ma\y rơndeh bal mờ rơndeh ờ tơl bơta niam ma\y mok mờ git  wa\ bơh cau ma\y rơndeh la bơta geh lơh ua\ ngan gơbàn rềs àr rơndeh geh gơ rềng tus rơndeh công nông. Ồng Bùi Văn Ngọc kuang atbồ gah ờ do ờ da\ gùng lòt càr Daklak ai git, bơh bồ sơnam tus tu\ do, mpồl lơh broa\ geh gơnoar càr Daklak neh lơh glài rlau 740 na\ cau,  kup 190 nơm rơndeh công nông gơbàn tis pơndiang cau mờ phan bơna ua\ ir. Bơta  do geh kờ` pal mut lơh niam tàm tơngai tus:“Gah ờ do ờ da\ gùng lòt càr geh dong broa\ tus anih duh broa\ làng bol càr geh lam sồr ala\ anih lơh broa\ geh gơ rềng bal, ala\ gah ờ do ờ da\ gùng lòt ala\ kơnhoàl,  [òn drà, [òn dờng, ala\ anih tờm bơto mờ ai  sra\ ma\t rơndeh hạng A4 tàm ala\ ntum,  sơnah [òn dong tơl ala\ bơta  kờ` làng bol ala\ ntum bươn boài tus bal bơsram ơdu\  ma\y rơndeh. Bal mờ hơ\,  geh lơh bal mờ ala\ broa\ lơh mblàng pơlam tus làng bol mìng geh ngui rơndeh lơ òr,  rơndeh  rơ mòk  pơndiang phan lơh geh mo lơh hala phơng tuh ờ go\ di pơndiang  cau”.

            Rơndeh công nông la  rơndeh geh ngui ua\ ngan tàm  broa\ lơh sa suơn sre bơh  ala\ càr Tây Nguyên đơs bal mờ Daklak đơs is. Den tàng ngan, gah lơh broa\ geh gơnoar tàm [òn lơgar kờ` pal atbồ sền gàr nền nòn ngan rlau,  mblàng pơlam làng bol in git wa\ ala\ geh cih bơh adat boh lam bè broa\ ngui ala\ rơndeh do, nàng gàr niam ờ do ờ da\ tàm broa\ lơh sa  mờ tu\ geh tus  bal lòt tàm gùng.

                                                              Cau cih mờ yal tơngit K’ Brọp