VOV4.K’ho – Nam do, càr Daklak geh broă rơndap lơh tam rlau 2 rbô 300 lồ brê. Mơya, broă tam brê tàm càr geh lơh lơỳai ngan, rơp mìng pa lơh geh 21% broă rơndap lơh:

Tàm nam 2016, mpồl lơh sa kă bro dùl nă să is tam mờ sền gàr brê Krông Bông geh jàu tam 285 lồ brê tàm ntum Hoà Phong mờ ntum Yang Mao, kơnhoàl Krông Bông. Tu\ do neh mờr jơh nhai mìu, mpồl do mìng tam tam geh rlau 50% pơn drờm mờ rơndap broă. Ồng Bùi Quốc Tuấn, kuang atbồ mpồl lơh sa kă bro pà git, bulah rơndap broă tam brê gah càr jàu gờ` rlau mờ ală nam lài, mơya tài trồ tiah gơlik geh kal ke, trồ prang dờng soat dà, trồ tơngai duh jo\ jòng neh lơh aniai tus broă tam brê bơh mpồl dê. Ồng Bùi Quốc Tuấn pà git: “ Nam do tài trồ tiah ờ niam, ờ uă ntum bè Yang Mao tus tu\ do mìu kung dùl êt ngan, den tàng tơnơ\ mờ tu\ jì wàs jơh nhơt ru\ rơm den kơp trồ mìu nàng tam. Bơta kal ke ngan rlau jơh là trồ tiah ờ niam tus mờ broă tam brê, bè ală nam tus tu\ do den bol a` neh lơh broă broă tam brê tài kờ` tờm chi hòn dờng den niam ngan rlau jơh là tam brê jơh lài mơờnhai 9.”

Bơdìh mờ trồ tiah ờ niam, tơngai tam brê tàm Daklak gam lơyaì là tài bơh uă jơnau ndai bè broă sền gàr brê mờ ù tam brê bơh ală cau tờm brê dê ờ hềt niam, bơta làng bol sơ gràm ù brê gam gơlik geh uă ngan; broă lam sồr ală bơta pràn, ală mpồl lơh sa kă bro dong kờl tus mờ broă tam brê gam kal ke. Kuơ màng, ờ uă mpồl lơh sa kă bro ờ tơl priă jền nàng tam brê jat rơndap broă.

Pơn yơu bè tàm mpồl lơh sa kă bro dùl nă să is tam mờ sền gàr brê Ea Wy, kơnhoàl Ea Hleo. Nam do, mpồl lơh sa kă bro geh jàu tam 250 lồ brê, tàm hơ\ geh 200 lồ brê bơrlu\ bal, 50 lồ brê tam ala. Tơngai tam brê neh jơh mơya tus tu\ do mpồl mìng pa rơp tam geh 90 lồ. Ồng Phạm Tuấn Việt, Kuang atbồ mpồl lơh sa kă bro pà git: “ Tàm tu\ tam den gơtìp uă ngan kal ke, ngan là bè priă jền, gơ wèt mờ tam brê jat kơrnuat sồ 147, khà dong kờl 3 tơlak priă tàm dùl lồ là khà êt ngan, mìng tơl priă blơi sơntìl. Bơta tus bal bơh làng bol mờ mpồl lơh sa kă bro dê ờ geh priă nàng tam brê den tàng mpồl lơh sa kă bro gam ơm tàm khà do. Gơ wèt mờ brê tam ala ală mpồl tong priă tơm wơl brê ờ hềt geh priă tong tàm kes priă den tàng càr ờ geh priă jền nàng ai ală mpồl tam brê in.”

Jat rơndap broă, nam do Daklak tam rlau 2 rbô 300 lồ brê. Tus tu\ do, gùt càr mìng pa rơp tam geh rlau 490 lồ, mìng geh 21% pơn drờm mờ rơndap broă. Mờ tơngai mut lơh bè do, Daklak pal lơh ngan hơ\ sồng gơtùi bal mờ ală càr Tây Nguyên tam rlau 150 rbô lồ brê jat jơnau đơng lam bơh Kuang gơs gơnap gơnoar atbồ hơđang rlau jơh dà lơgar dê bè broă bơtàu tơnguh wơl brê nàng tam dră mờ tam gơl trồ tiah, tơngai bơh nam 2016 tus nam 2020.

                   Cau cih mờ yal tơnggit K’ Duẩn.