VOV4.K’ho – Drim òr 4/7, Mpồl duh broă ala mat làng bol càr Daklak kơnă 9, tơngai lơh broă bơh nam 2016- 2021 pơrjum dơ\ dùl pồ ală kuang bàng đơng lam bồ dờng màng Mpồl duh broă ala mat làng bol mờ Anih duh broă làng bol càr tơngai lơh broă pa. Do là càr du\t ndơl tàm gùt lơgar bơyai lơh pơrjum Mpồl duh broă ala mat làng bol pơrjum dơ\ dùl tơngai lơh broă pa. Tàm dơ\ pơrjum do, ồng Y Biêr Niê (cử nhân hành chính, 53 sơnam) geh pồ at tai gơnoar broă Kuang atbồ Mpồl duh broă ala mat làng bol càr Daklak. Ală kuang jat jơng atbồ Mpồl duh broă ala mat làng bol càr Daklak tơngai lơh broă pa, tàm hơ\ geh: ồng Nguyễn Thanh Hiệp (52 sơnam, kỹ sư lâm nghiệp, kuang geh jơng lơh broă sùm tàm Mpồl duh broă ala mat làng bol càr ) mờ ồng Trần Vĩnh Cảnh (56 sơnam, cử nhân luật, geh pồ at tai gơnoar broă). Tàm dơ\ pơrjum do, ồng Phạm Ngọc Nghị geh pồ at tai gơnoar broă Kuang atbồ Anih duh broă làng bol càr Daklak bal mờ khà sră pồ geh 84 tàm 85 sră. Mpồl duh broă ala mat làng bol càr Daklak kung pồ tai bàr nă cau at gơnoar broă Kuang jat jơng atbồ Anih duh broă làng bol càr Daklak kơnă pa hơ\ là ồng Y Giang Gry Knơng (42 sơnam, thạc sĩ lâm sinh, kuang atbồ đơng lam Đảng kơnhoàl Krông Ana) mờ ồng Võ Văn Cảnh ( 50 sơnam, cử nhân luật, kuang atbồ đơng lam Đảng kơnhoàl M’Drak). Bè hơ\, tu\ do, Anih duh broă làng bol càr Daklak geh 5 nă kuang jat jơng atbồ, tàm hơ\ geh bàr nă cau pa geh pồ bal mờ pe nă cau gam at gơnoar broă geh pồ at tai là ală ồng Nguyễn Hải Ninh, ồng Nguyễn Tuấn Hà mờ mò H’Yim Hđơk.

                                                        Cau cih mờ yal tơngi\t- Lơ Mu K’ Yến