VOV4/K’ho - Sơnam sa\ dờng, mờ geh ua\ ngan  pơnai sồt bơh rài tam lơh gơ lời wơl, mơya ồng Phạm Quyết Thắng kis tàm [òn dờng Buôn Ma Thuột, càr Daklak gam lơh nùs ngan tus bal broa\ lơh mpồl bơtìan tàm [òn lơgar. La chủ tịch Hội cau gơbàn sơnơm khih đioxin lơh aniai tàm rài tam lơh [òn dờng Buôn Ma Thuột, ồng sùm sền gròi  nền nò  ngan rài kis bơh tơl cau tàm mpồl mờ geh lơh mo di pal lam sồr, dong kờl  ala\ cau tàm mpồl ua\ ngan kal ke.

            Bulah neh mờr 70  sơnam,  la cau ling sồt sa\ mờ cau gơbàn sơnơm khi đioxin lơh aniai tàm rài tam lơh mờ Mỹ, mơya ồng Phạm Quyết Thắng kis tàm sơnah [òn Khánh Xuân, [òn dờng Buôn Ma Thuột, càr Daklak gam lơh broa\ jơh nùs ngan tàm broa\ lơh mpồl bơtìan. Nam 1996, tu\ sơnah [òn  Khánh Xuân pa crơng gơs, ồng geh pồ tàm Ban chấp hành Đảng bộ sơnah [òn ua\ tơngai lơh broa\ ngan, la Phó chủ nhiệm Uỷ ban lòt sền đảng uỷ sơnah [òn, atbồ cau ling sồt sa\ ua\ nam mờ tus bal tàm broa\ lơh Thường vụ Mpồl  cau ling yau sơnah [òn. Tus lồi nam 2013, tơnơ\ ơm lơh broa\ tàm sơnah [òn Khánh Xuân, ồng Thắng geh pin dờ` pồ lơh  kuang chủ tịch mpồl cau gơbàn sơnơm khih đioxin lơh aniai tàm rài tam lơh [òn dờng Buôn Ma Thuột. Tàm broa\ lơh lơi geh jàu at gơnoar ồng Thắng kung drờm lơh gơs broa\ jàu. Pah ngai, bơdĩh mờ tu\ jiơ lơh broa\ tàm hiu lơh broa\,  ồng lời tu\ jiơ tus tơl hìu cau tàm mpồl nàng kờ` git wa\ rài kis,  git geh bơta kơp kờ`,  geh  lơh mo yal mờ  kơna\ broa\ hờ đang nàng geh dong kờl lam sồr, ngan la mờ ala\ cau tàm mpồl ua\ ngan kal ke, rbah. Ồng Phạm Quyết Thắng  boh bơr:

            A` la cau ling sồt sa\, kung la cau gơbàn aniai den tàng a` wa\ ngan ala\ bơta jê sồt bơh ala\ cau sồt sa\ mờ cau gơbàn sơnơm khih điôxin aniai. Ngan la a` geh bơtuah rau  tài kòp tê jê sa\ a` dê mờ gơ tờp sơnơm khih đioxin krơi rlau mờ ala\ cau ndai. A` geh lơh bal mờ ala\ sơnah [òn,  xã lòt tus tơn nàng git ngan ala\ cau eh rài kis rbah, kal ke mờ ala\ cau tàm mpồl,  bơh hơ\ nàng he git geh cau tàm mpồl di pal mo, bơh hơ\ he geh lam sồr bè nú snhơm mờ phan bơna, bơh geh lam sồr nàng geh dong kờl, lam sồr bơnah lơi  ai  cau gơbàn sơnơm khi aniai  rbah ngan.

            Kơnờm bơta lơh broa\ nền nòn ngan  bơh ồng Thắng tàm  broa\ lơh, ua\ cau tàm mpồl la cau gơbàn sơnơm khih đioxin lơh aniai tàm rài tam lơh  tàm [òn lơgar neh geh  dờp geh ala\ khà pria\ dong kờl  dipal mo. Bè mò Phạm Thị Minh Luận kis tàm [òn 7, sơnah [òn Tự An, [òn dờng Buôn Ma Thuột. Hìu nha\ mò Luận la hìu nha\ kal ke, ùr bơklau mò mờ kòn klau tơnhua mò dê gơbàn gơ tờp bơh sơnơm khi đioxin lơh aniai. Neh rlau 30 sơnam mờ kòn klau mò bè dùl na\  cau gam dềt, jơng tê kơlte,  mìng bic dùl ơnih, tơl  ala\  lơh sa ơm kis  drờm  sơnđìng ngan tàm  cau tờm dong kờl. Pa do, Mpồl cau gơbàn sơnơm khih đioxin aniai rài tàm lơh [òn dờng Buôn Ma Thuột neh dong kờl mò Luận 10 tơlak pria\ nàng geh lơh niam wơl hìu. Mò Phạm Thị Minh Luận yal:

            Lài do,  hìu gơbàn ìo ngan, hơ\ sồng nhhat dà mìu, mờ hat hal ngan, hìu ờ gơtùi ơm geh. Kơnờm geh bơta jơh nùs ngan dong kờl bơh wa Thắng mờ bơh  mpồl  cau gơbàn sơnơm khih đioxin  lơh aniai càr dê tai, kung geh tus lùp lap,  lam sồr hìu nha\. Pa  do a` geh lơh niam wơl hìu den mpồl cau gơbàn sơnơm khi điôxin aniai geh pà 10 tơlak pria\ nàng geh dong kờl lơh niam wơl hìu. Đơs bal la hìu kung neh niam đau.

            Tơngai lài, mờ bơnga\ la chủ tịch mpồl cau  gơbàn sơnơm khih đioxin  rài tam lơh aniai [òn dờng Buôn Ma Thuột, ồng Phạm Quyết Thắng neh dong broa\ tus atbồ [òn lơgar lơh sra\ nggal nàng dờp pria\  geh dong kờl bơh dà lơgar tus mờr 100 na\ cau geh sra\ dong kờl, cau ling sồt sa\,  cau ling kòp tê jê sa\  mờ cau tus bal tam lơh gơbàn gơ tờp sơnơm khi đioxin, dong kờl lơh hìu ua\ hìu nùs nhơm ai  tus ala\ cau  geh sra\ dong kờl bơh dà lơgar, cau geh màng mờ dà lơgar. Tàm 2 nam do, bơh kes pria\ dong kờl cau gơbàn sơnơm khih đioxin lơh aniai [òn dờng neh lam sồr geh 700 tơlak pria\, dong kờl ala\ cau tàm mpồl kal ke,  lùp còp mờ pà phan cau tàm mpồl tàm ala\ tu\  chờ dờng, sa tềp. Kơnờm bơh hơ\, ồng neh geh ala\ cau tàm mpồl kờ` ngan, cau hơđang pin dờ`. Ồng Ngô Song Hào, Chủ tịch mpồl cau gơbàn sơnơm khi đioxin  lơh aniai  càr Daklak đơs sền wơl:

            Ồng neh  chồl guh ngan  gơnoar broa\ la dong broa\ tus  kấp uỷ đảng,  gơnoar atbồ [òn lơgar tàm jơh ala\ bơta broa\ lơh mpồl dê, la cau pơnrơ lam lài ngan,  chồl guh broa\ lơh dong broa\,  bơyai lơh mut lơh,  geh jơnau đơs geh lơh bal  mờ ala\ anih lơh broa\ geh gơnoar mut lơh niam broa\ lơh tờm mpồl dê, cèng wơl gơnoar kuơ ngan ngồn ai tus  ala\ cau gơbàn aniai sơnơm khi đioxin drờm pin dờ`, geh tềng sơnđìng kơljap ngan tàm ala\ kơna\ mpồl.

            Bơta lơh broa\ jơh nùs,  nhap nhar tàm broa\ lơh mpồl bơtìan bơh cau ling sồt sa\ Phạm Quyết Thắng neh geh ala\ kơna\ cih dờp, jờng. Ồng neh geh dờp geh Bằng khen bơh Bộ Lao động-Thương binh mờ Xã hội tàm dơ\ pơrjum jờng ala\ cau geh màng pơnrơ ngan gùt lơgar nam 2010 mờ bằng khen bơh UBND [òn dờng Buôn Ma Thuột bè cồng nha jak ngan tàm broa\ lơh nam 2016.

                                            Cau cih mờ yal tơnggit K’ Brọp