VOV4.K’ho - Ala\ nam do, bơta kơnòm dềt gơbàn sồt sa\, chơt bu\ dà tàm càr Daklak sùm gơguh ua\. Pah nam geh nđờ jơt na\ oh tu\ lòt re dà, lòt um tàm dà dờng, tơnau dà ngan la  kàl  ơm  bơkang. Bơta do geh lơh ala\ mè bèp khi gơ lơh  ờ suk ngan tu\ mờ nhai mìu neh tus kung gơ drờm bal mờ kàl ơm rlô bơkang bơh  kơnòm bơsram. Nàng dong làng bol mờ gơp bơyô geh tai ala\ jơnau tơnggit bè broa\ lơh tàm nhai rlô bơkang, bơh hơ\ geh tai bơta rwah di pal tus oh kòn he, tơnơ\ do geh dơ\ lùp jơnau mờ bi Nguyễn Ngọc Hoàng atbồ Hìu chài rgơi kơnòm pa tàu, kơnòm dềt càr Daklak.

            -Ơ bi, tàm ala\ nam rềp do,  den tus nhai 6 pah nam, geh Gah lơh broa\ -cau ling sồt sa\ mờ mpồl bơtìan dà lơgar rwah la nhai lơh broa\ tài kơnòm dềt. Nam do, mờ sơnđan “ Tài rài kis niam ờ  do ờ da\, rcang sơndra\ gơbàn sồt sa\, chơt bu\ dà tus mờ kơnòm dềt” den Hìu chài rgơi ơruh pơnu, kơnòm pa tàu, kơnòm dềt càr Daklak neh geh ala\ broa\ lơh lơi nàng geh mut lơh ala\ broa\ lơh  jat jơnau sơnđan do?

            Bi Nguyễn Ngọc Hoàng: Lơh jat nhai lơh broa\ tài kơnòm dềt nam do, hìu chài rgơi bol a` neh geh lơh lài mut lơh broa\  broa\ lơh kàl rlô bơkang, broa\ lơh  bơto tai ala\  bơta chài kàl rlô bơkang ai tus kơnòm dềt in kung bè bơyai lơh ai ala\ oh geh tus bal tàm kàl rlô kơkang, gơs la dùl anih cri bơyai kàl rlô bơkang tàm [òn dờng. Ngai òr (31/5), hìu chài rgơi ơruh pơnu, kơnòm pa tàu, kơnòm dềt neh bơyai lơh ngai chờ  kơnòm dềt Daklak bal mờ sơnđờm mut lơh dơ\  kàl rlô bơkang nam do, ai 38 broa\ lơh bơh Mpồl cau tàm mpồl,  mpồl cau bơsram bơh ala\ ơdu\ cau chài mut tàm cri bơyai, kung bè bơyai lơh geh anih nhơl pờ geh ala\ oh in, kờ` gơ hòi ua\ ngan rlau tai ala\ kơnòm dềt geh tus bal tàm kàl rlô bơkang, nền nòn bè  jàu pria\ bơsram ai ala\ oh in geh rài kis ua\ ngan kal ke, ngan la  geh bơta nhơl ờ sa pria\ bơta nhơl tàm dà, dong ala\ oh geh dùl kàl rlô bơkang geh kuơ.          

            -Mut tàm kàl rlô bơkang, bơdĩh mờ broa\ ờ suk bơh ờ geh anih nhơl oh kòn he in, den geh ua\ ngan mè bèp kơnòm bơsram sền gròi ngan broa\ geh ai oh kòn he dê  tus bal tàm broa\ lơh, tus bal bơsram  ơdu\ chài lơi tàm kàl rlô bơkang. Den bè hơ\, nàng lơh di dùl bơnah lơi  kơp kờ` di, tơngai lài Hìu chài rgơi  ơruh pơnu, kơnòm pa tàu, kơnòm dềt càr Daklak neh bơyai lơh ala\ broa\ lơh lơi tàm kàl rlô bơkang, ơ bi?

            Bi Nguyễn Ngọc Hoàng: Pah tu\ geh tus tàm kàl ơm rlô bơkang, Hìu chài rgơi bol a` drờm geh rcang lài tơl làm jơh ala\ phan bơna, ala\ broa\ lơh nền nòn geh lơh tàm kàl rlô bơkang.Nam do,  bol a`  neh geh bơta rcang niam rlau tai tàm ala\ tơnggu me. Gơtùi geh yal la,  tàm gah   đơs crih tam ya geh ala\ mpồl đơs crih, tam ya, wac rùp, mpồl cau teh gùng đơs crih. Hala gah tàp pràn sa\ ja` den geh  nhơl cầu lông, bóng rổ, plai kơbàng. Nam do,  bol a` geh ai ờ ua\ bơta pa bè cuh plai fusan tàm hìu hala ơdu\ đờng piano. Bal mờ hơ\,  bol a` kung geh sền kuơ tàm ala\ broa\ lơh mpồl cau tàm mpồl dong ala\ oh in geh bơta geh trơ gùm, cro bơyai bal,  geh bơsram tàp ala\  bơta chài bè geh ai go\ sa\ tờm.

            -Ơi ơ bi, bè hơ\ gơtùi go\, tàm tơngai lài Hìu chài  rgơi ơruh pơnu, kơnòm pa tàu,  kơnòm dềt càr Daklak geh ua\ ngan broa\ lơh lời tus kơnòm dềt in, ngan la tàm tu\ kàl rlô bơkang. Den nam do, ala\ broa\ lơh  kàl rlô bơkang tàm hìu chài rgơi geh  broa\ lơi pa ờ?

            Bi Nguyễn Ngọc Hoàng: Nam do, Hìu chài rgơi ơruh pơnu, kơnòm pa tàu, kơnòm dềt càr Daklak geh sền kuơ ngan tus bơto  bơtê, mblàng pơlam, bơtàu tơngguh git wa\ bè rcang sơndra\ gơbàn rềs àr  sồt sa\. Ngan la tàm hơ\,  mờ bơta kuơ geh tơnau re dà tơl khà bè pơr lòng mờ bơsram re dà den bol a` geh lơh ngan bơyai lơh ua\ ngan broa\ lơh  bơto re dà,  ai pơlam re dà  wơl mờ bơtàu tơngguh git wa\ bè gơbàn aniai chơt bu\ dà. Nhai 6 do, bol a` geh bơyai lơh bơh 6 tus 10 ơdu\ bơto re dà, tàm hơ\  geh pờ ơdu\  rê dà ờ  sa pria\. Bal mờ hơ\ gam geh pờ 5 ơdu\ la bơta pa,  hơ\ la bơta  chài hand make dong ala\ oh geh bơceh is tàm ala\ phan lơh, hala ơdu\ bơto bơtê bơta chài bè cau ai tơnggit jơnau  gam dềt. Ala\ ơdu\ ờ sa pria\ bè tam ya,  bơto pơlam  đơs crih, thể dục nhịp điệu, dance sport den bol a` geh lơh geh dùl blàng ngơl pờ, ala\ oh gơtùi geh tus mờ geh ala\ cau pơgru pơlam  ala\ oh.

            -Nàng rcang tus ala\ broa\ lơh  bè bi pa yal den Hìu  chài rgơi ơruh pơnu, kơnòm pa tàu, kơnòm dềt càr Daklak neh lơh mbè lơi  kờ` dong mè bèp kơnòm bơsram mờ ala\ cau bơyô gam dềt gơtùi git geh mờ tus bal ala\ broa\ lơh geh bơyai lơh tàm do?

            Bi Nguyễn Ngọc Hoàng:  Nam do,  bol a` geh pơnjat tai sền gròi tus ala\ broa\ lơh mblàng pơlam tus broa\ lơh  yal tơnggit tus ala\ broa\ lơh. Ngan la bol a` geh ròt yal tơnggit mờ pano rùp, panô áp phích kung bè bang rôl geh kơt tàm ala\ gùng tàm [òn dờng Buôn Ma Thuột, tàm ala\ hìu bơsram mờ ờ ua\ tiah ndai. Dơ\ 2 tai la geh mblàng pơlam bơh pang web bơh  Hìu chài rgơi dê kung bè pang jơnau yal tơnggit điện tử mờ pang mạng xã hội. bal mờ hơ\, bol a` kung bơyai lơh ala\ broa\ lơh tus tìp mat tàm ala\ hìu bơsram nàng geh yal tơnggit ala\ broa\ lơh, kung bè broa\ lơh kàl ơm rlô bơkang nam do.

            -Ơi, ưn ngài bi Nguyễn Ngọc Hoàng atbồ Hìu chài rgơi ơruh pơnu, kơnòm pa tàu, kơnòm dềt càr Daklak bè ala\  jơnau  pa tam pà mờ bol a` đang do.

                   Cau cih mờ yal tơnggit K’ Brọp