VOV4.K’ho – Tơngai rềp ndo, kơnòm dềt tàm ờ uă tiah làng bol kòn cau tàm càr Daklak sang bơsram nàng lòt lơh broă ngai sơlơ gơguh uă. Bơta moat jrùm là ală mè bèp tài bơh rài kis kal ke den tàng neh ai oh kòn he lòt lơh broă tu\ ờ hềt tàu dờng. Bol he geh jòi git bal bè bơta geh ngan do tàm kơn hoàl Krông Bông, càr Daklak:

Bồ nam do, geh cau quèng yal git, ồng Lê Văn Hồng, kòn cau Mông ơm tàm [òn Noh Prông, xã Hoà Phong, kơnhoàl Krông Bông, càr Daklak neh ai 2 nă kòn là Lê Văn Cải, 10 sơnam mờ Lê Văn Khương, 15 sơnam lòt tus [òn dờng Hồ Chí Minh nàng lơh broă mai phan. Sơlơu\ wơl mờ jơnau pơrgon broă `ggờc, priă nhai uă, mìng tơnơ\ 2 nhai, tài ờ jai kong mờ bơta lơh broă bòl glar den tàng ală kòn ồng dê uă dơ\ hòi điện thoại dan dong kờl. Ồng Hồng pal càn priă mut tàm [òn dờng Hồ Chí Minh nàng tơ wài 2 nă kòn rê. Ồng Hồng pà git: “Cau tàm [òn kung lùp là `chi bơh tài ai kòn lòt lơh broă mờ ờ bài ơm wơl, rê đơs là bòl ir, hơ\sồng leng priă nàng lòt rò rê, tu\ do rê ờ hềt git lơh bè lơi nàng jòi priă tơm dồs, kal ke ngan bloh.”

Kung tài r[ah kal ke, ồng Lê Văn Toả, ơm tàm [òn Noh Prông, xã Hòa Phong, kơnhoàl Krông Bông ai kòn ùr 13 sơnam ơm bơsram nàng lòt lơh broă ngài, mơya ồng ờ git là tu\ do kòn ồng dê lơh `chi, tềng lơi, mìng jo\ jo\ klo kòn hòi điện thoại đơs là rài kis bòl glar tềng ù tiah [òn ndai. Ồng Toả yal: “Klo khai đơs là lơh bòl ngan, lơh jơh ngai mơya ờ geh tu\ jiơ ơm rlô. Bơh 6 jiơ drim tus 11 jiơ ngai, bơh 12 jiơ ngai tus 7 jiơ mang, sàu piang jơh den lơh tus 12 jiơ mang, ờ  geh tu\ jiơ ơm rlô mờ gam gơtìp bơ klơn priă nhai tai.”

Jat ồng Nguyễn Văn Tâm, Chủ tịch xã Cư Pui, kơnhoàl Krông Bông, bulah dà lơgar neh geh broă dong kờl ai oh kòn tiah làng bol kòn cau in, mơya tài rài kis kal ke, uă hìu nhă kung gam ai oh kòn he ơm bơsram. Ồng Tâm pà git: “Uă ngan là làng bol kòn cau geh rài kis hìu nhă kal ke, mờ làng bol kòn cau tu\ kal ke den kờ` jòi priă, den tàng hìu nhă kung ai ală oh hơ\ in lòt lơh broă. Mơya tu\ bol a` git bơta ală oh lòt lơh broă mờ geh ờ uă oh gam ki\ sră pơrgon mờ mpồl lơh broă, bơta do là tìs, bol a` geh lam sồr ală hìu nhă hơ\, mè bèp hòi điện thoại nàng lam ală oh rê, mơya tài priă jền lơh geh, tài rài kis khi dê den tàng khi ờ hềt hòi ală oh rê.”

Ồng Trần Ngọc Hùng, Phó trưởng phòng Lao động – Thương binh mờ Xã hội kơnhoàl Krông Bông pà git, broă kơnòm dềt sang bơsram lòt lơh broă tàm ală tiah công nghiệp, halà dong broă tàm ală hìu tac phan `ô sa gơlik geh bơh lồi nam 2014. Bulah gah do neh pơgồp bal mờ gơnoar atbồ tàm [òn lơgar, ală mpồl bal nàng mblàng yal, lam sồr. Geh tu\, jat tàm ală tìs bè kơrnuat boh lam tàm broă rơwah kơnòm dềt ờ hềt tơl sơnam lơh broă nàng lơh glài mơya kung ờ hềt gơtùi tơmù bơta do. Mìng kờp is bơh bồ nam tus tu\ do, gùt kơnhoàl geh 135 nă oh, bơh 12 tus 16 sơnam sang bơsram. Tàm hơ\, 42 nă kơnòm bơsram ơm bơsram lòt lơh broă tàm [òn dờng Hồ Chí Minh.

Kờ` tơnjơh bơta kơnòm dềt sang bơsram nàng lơh broă gờ`, jat ồng Trần Ngọc Hùng, bơdìh mờ broă tơnguh git wă ai tus hìu nhă in bè gơnoar kơnòm dềt dê, kờ` pal geh bơta lơh broă bal krà` cê bơh gùt mpồl bơtìan dê, kuơ màng là pal ai geh broă lơh ală hìu nhă kal ke tàm tiah sar lơgar ngài. Ồng pà git: “Kờ` tơmù dimơ bơta kơnòm dềt lòt lơh broă gờ` mờ kơnòm dềt sang bơsram lòt lơh broă den pal geh broă lơh bơcri bơtàu tơnguh lơh sa kờ` gàr niam rài kis làng bol in. Bè broă lơh bơtàu tơnguh lơh sa, tus tu\ do, geh uă ngan mơya kờ` làng bol geh dờp ală broă dong kờl do den kal ke ngan. Gơwèt mờ ală gah lơh broă geh gơnoar pal lơh broă bal nàng geh bơta bơtàu tơnguh lơh sa tàm [òn lơgar. Kuơ màng, Krông Bông là dùl kơnhoàl r[ah, dan ală anih lơh broă geh gơnoar sền gròi rlau tai bè bơta dong kờl, broă bơtàu tơnguh lơh sa kơnhoàl dê.”

               Cau cih mờ yal tơnggit K’Duẩn