VOV4.K’ho - Drim òr (07/09),  anih duh broa\ gah tề lam gùng dra\ bal  Việt Nam càr Daklak neh bơyai lơh pơrjum ai jơnau đơs tàm rơndap lơh adat lơh glài kup màng tam gơl. Tàm pơrjum,  ua\ jơnau geh đơs pal sơnơng nền broa\ geh ngui broa\ lơh glài jàm, pơ ơnàng broa\ ngui lơh glài mờ pria\,  lơh glaà ờ jàm kờ` pal cih loh làng, pleh bơta geh broa\ lơh dong kờl kòn  bơnus bơh dà lơgar geh sơ mờm. Mìng is bơta sang glài gơsơt sa\ tus mờ 7 tìs neh dờp geh ua\ jơnau kờ` bal, tơmù rhời broa\ lơh glài gơsơt sa\. Bè bơta kơnòl pal kong lơh glài kup màng tus mờ mpồl bal ngan la mpồl lơh sa, do la bơta dơ\ sơnrờp geh tơmut tàm adat lơh glài kup màng lơgar he kung neh geh ua\ ngan cau kuang pơrjum  kờ` bal. Ồng Bùi Hồng Quý gơnoar jat jơng atbồ gah lơh broa\ adat boh lam càr Daklak, geh jơnau đơs mờ hờ đang:“Lài do, bol he ờ  ya\  kơnòm lơh glài kup màng tus mờ mpồl bal. Broa\ ai bơta do mut tàm kơnòl lơh glài kup màng tus mờ mpồl bal la mpồl lơh sa la di pal mờ broa\ pơrya bal bơh dunia ngan la tàm tu\ bol he slơ ngai slơ gơ rờm bal dờng ơnàng  tàm lơh sa mờ ala\ gah lơh broa\ ndai dunia fê. Bulah bè hơ\,  bơta geh ai tơlik la pal lơh bè lơi ala\ geh cih tàm rơndap adat tu\ do kung bè tơnơ\ geh ring bal geh gơtùi ngui ngan ngồn, pleh bơta geh bal dùl bơta lơh tìs mờ geh ya\ tus mờ cau dùl na\ sa\ mờ ya\ tus mờ mpồl bal gơlam tus dùl broa\ lơh mờ pal bơsong  lơh glài tus 2 dơ\”.

                                                          Cau mblàng K’ Brọp.