VOV4.K’ho – Tàm ală nam bơh nam 2011- 2015, jơh gùt càr Daklak neh lơh geh 317 tàm khà 987 hìu bơsram tơl khà dà lơgar, geh khà 32%, gơguh 113 hìu bơsram pơndrờm mờ nam 2011. Mơya, broă lơh hìu bơsram geh tơl khà dà lơgar tàm Daklak gam tìp bàr pe bơta kal ke, bè: Ờ geh tơl phan bơna (ngan là hìu bơsram ơdu\ bơh sơn rờp), bàr pe hìu bơsram ờ hềt ai tơl cau lơh sơnơm, cau lơh broă tàm ală cơldu\ lơh broă geh gơrềng. Daklak geh jơnau kờn tus nam 2020, geh 51% khà hìu bơsram geh tơl khà dà lơgar jat broă lơh tam gơl pa bè phan bơna, tơnguh jơnhoa mờng chài tàm broă lơh atbồ, lam bơto mờ bơsram kờn lơh geh cồng nha bơto bơtê dùl bă tơl làm. Bơdìh hơ\ tai, càr gam ai lài lơh phan bơna drơng broă bơto mờ bơsram tàm ală kơnhoàl tiah sar lơgar ngài, tiah kal ke, bơto tề lam tơnguh jơnhoa bồ tơngoh jak chài tàm broă lơh ai kuang bàng lơh broă ròng siam sền gàr, bơto bơtê kơnòm bơsram tàm ală kai bơsram in...

Cau cih mờ yal tơngi\t- Lơ Mu K’ Yến