VOV4.K’ho - Dùl dơ\ gơ bu\ plung mho ngai 11/1 gơlik geh tàm dà dờng Krông Ana gơl lòt gan xã Ea Trul, kơnhoàl Krông Bông, Daklak geh lơh 2 na\ cau chơt, 1 na\ cau ờ jòi go\. Mpồl lơh broa\ geh gơnoar kơnhoàl Krông Bông gam jòi cau gơbàn aniai. Jat jơnau bơh sơnrờp,  plung pơndiang 18 na\ bal mờ phan lơh geh  gam lòt tàm dà dờng Krông Ana, den nisơna  gơ bu\. Lồi dut la,  geh 2 na\ cau chơt geh mò Nguyễn Thị Định mờ Nguyễn Thị Bích kis tàm [òn Triết, kơnhoàl Lak, càr Daklak. Mờ Phạm Xuân deh nam 1993 kis tàm  [òn 2, xã Ea Trul, gơbàn ờ jòi go\ bồc, 15 na\  cau ndai  bơtuah đau ờ aniai.

                   Cau cih mờ yal tơnggit K’ Brọp