VOV4.K’ho – Sa tềp Trung thu nam do, Daklak bơyai lơh uă broă lơh geh kuơ ai kơ nòm dềt in. Jat mờ hơ\, Mpồl đơng lam broă lơh tài kơnòm dềt geh bơyai lơh broă lơh Mang chờ ang kơnhai dar me tài kơnòm dềt rbah tiah nhàr lơgar in. Bal mờ ală broă lơh chờ hờp bè tamya đăng grài, đơs crih tamya, ală bơta nhơl bơhìan yau, càr geh jàu rlau 2.000 bơnah phan, tơl bơnah phan kờp bơh 200 rbô tus 1 tơlak priă ai kơnòm dềt rbah, kơnòm dềt kuet kơlte tàm càr in. Mò Từ Thị Khanh, kuang atbồ cơldu\ sền gàr, sền gròi kơnòm dềt, di Gah lơh broă – cau ling sồt să mờ mpồl bơtiàn càr Daklak pà git: “ Sơlơ lam sồr ală gah, mpồl lơh broă, mpồl bal, mpồl lơh sa kă bro sền gròi bal tus mờ kơnòm dềt geh rài kis kal ke. Mìng is sa tềp Trung thu nam do, bol a` pơgồp bal mờ mpồl ơruh pơnu càr mờ anih duh broă làng bol kơnhoàl Ea Sup bơyai lơh dùl mang chờ sa tềp trung thu dờng ngan ai kơnòm dềt tiah nhàr lơgar in. Bơh ală broă lơh bè hơ\, kơp kờ` ală sau geh dùl anih nhơl `o\ geh kuơ mờ lơh geh nùs nhơm sa tềp trung thu bềng bơta kuơ ală sau in.”

                                                                          Cau cih mờ yal tơngit K’ Duẩn.