VOV4.K’ho – Drim òr, 27/7, UBND càr Daklak neh yu\ rơ yùm bơyai lơh tơngkah 70 nam ngai cau ling sồt să – cau ling chơt màng mờ pà bằng khen ai 13 mpồl bal, 5 nă cau geh màng mờ dà lơgar geh pơn rơ jak, geh cồng nha niam ngan tàm broă lơh sa mờ broă lơh. UBND càr Daklak kung pà bằng khen ai 11 mpồl bal mờ 6 nă cau geh cồng nha jak ngan tàm broă lơh kis git jơnau git adat.

Tu\ do, Daklak geh mờr 50 rbô nă cau geh màng mờ dà lơgar mờ cau tờm pròc mhàm geh dờp ală broă lơh dong kờl. Tàm 5 nam do, ală gah lơh broă geh gơ noar neh bơsong 12 rbô sră nggal cau geh sră dong kờl bơh dà lơgar, jòi tờ tơrgùm geh 112 bồc ntìng cau ling chơt màng. Gùt càr lam sồr geh rlau 43 tơmàn priă tă pơgồp tàm kes priă kis git jơnau git adat nàng lùp còp, pơn jờng ală hìu nhă geh sră dong kờl bơh dà lơgar, dong lơh hìu nùs nhơm.