VOV4.K’ho – Ngai òr, 24/6, đah tă dia càr Daklak bơyai lơh pơrjum jờng rơ ală mpồl bal, cau dùl nă să lơh jat niam kơrnuat boh lam tă dia càr Daklak na 2015. Bulah broă lơh sa geh uă tam gơl tài trồ prang dờng soat dà jo\ jòng, khà priă tac phan lơh gơs bơh suơn sre lơyah, mơya nam 2015, càr Daklak tă dia 3 rbô 357 tơmàn priă, geh 127% khà kờp du\ mờ dà lơgar jàu. 6 nhai bồ nam do, càr neh tă dia geh rlau 1 rbô 530 tơmàn priă, sơrlèt rlau 10% pơn drờm mờ 6 nhai bồ nam lài mờ lơh geh mờr dùl rơndap broă tàm nam. Cih dờp mờ jờng rơ ală mpồl bal, cau dùl nă să mut lơh niam broă tă dia, ngai do, càr Daklak bơyai lơh pơrjum pà khà jờng 345 mpồl bal, cau dùl nă să geh pơn rơ tàm srơh lơh broă sa, kă bro jak, tă pơ gồp tà, tă dia dà lơgar in ngai sơlơ uă. Tàm pơrjum, bơdìh mờ broă jờng rơ ală mpồl bal, cau dùl nă să mut lơh niam broă tă dia, kuang đơng lam bồ càr Daklak hơ pơrgon pơnjat tai tam gơl broă bơcri priă, ai geh bơta [uơn tus mờ broă lơh sa kă bro.

                         Cau cih mờ yal tơngit K’ Duẩn.