VOV4.K’ho - Tu\ do, cau tam kơphe tàm Daklak neh mut tàm tơngai pic plai.  Bơta blàng ìs kal ke, ua\ hìu nha\ neh ngui gùng lòt  nàng ìs kơphe, geh lơh gùng lòt gơbàn ờ niam ngan.

Gùng dờng 27 lòt gan [òn 4, ntum Hoà Thắng, [òn dờng Buôn Ma Thuột mờ [òn 8 ntum Ea Ktur, kơnhoàl Cư\ Kui`, càr Daklak tàm ala\ ngai do geh ua\ gơl gùng làng bol sơ gràm nàng ìs kơphe. Geh ala\ gơl gùng gơbàn sơ gràm mờr jơh gùng lời rơndeh honda mờ rơndeh coh lòt, broa\ sơ gràm gùng jòng ngan tus git nđờ jơt, geh anih tus nđờ rhiang  thơk mat gùng.

Ồng Nguyễn Duy Cường kis tàm [òn 4, ntum Hoà Thắng gam ìs kơphe tềng gah gùng rbàng Bà Dần, di gùng dờng 27 ai git: Hìu nha\ pic 2 lồ kơphe, khà kơphe di 6 tấn, mơya bơh ờ geh mblàng, den tàng neh ìs kơphe tềng gah gùng rbàng nàng ìs. Ala\ rơndeh lòt tềng do pal pleh.

 Ìs kơphe tềng gah rbàng gùng lòt

Drờm bè hơ\,  hìu nha\ bi Nguyễn Hoài Sơn kis tàm [òn 8, ntum Ea Ktur, kơnhoàl Cư\ Kui` kung sơgràm mờr 100 thơt gùng lời rơndeh honda mờ rơndeh coh lòt tàm gùng dờng 27 nàng geh ìs kơphe, tàm hơ\ geh bal tềng kùel lòt ntiar ngan. Bulah broa\ ìs kơphe tềng gùng geh lơh aniai ngan tus lòt gùng, mơya bi Sơn gam đơs la bơh blàng ìs dềt. Bi Nguyễn Hoài Sơn đơs:“Hìu a` tam kơphe rê mơya bơh blàng ờ dờng den tàng a` geh ìs kơphe tềng gùng lòt, dilah ờ den kơphe gơbàn jù jơh. Blàng hìu a` kung mìng ơnàng di 70 thơt kơre lơm, gam tàm kàl tơnhàu, bơh kơphe plai đau den tàng ờ tơl anih ìs, a` pal ìs tềng gùng.  Git la ờ di mơya tu\ do ờ geh anih ìs den geh lơh aniai tus lơh sa hìu nha”.

Ala\ rơndeh pal pleh ba\ ìs kơphe tềng gùng.

Cau lòt  tàm gùng tềng gùng dờng 27 sùm gơlơh ờ suk ngan tu\ geh lòt gan tiah nhàr rềp bal bơh ntum Hoà Thắng, [òn dờng Buôn Ma Thuột mờ ntum Ea Ktur, kơnhoàl Cư\ Kui`, càr Daklak, tài bơta ìs kơphe tềng gùng. Geh  gơl gùng lòt dùl đah lơm,  ai rơndeh honda ntoat rat, hala tềng kùel sền  gơ kìng, ua\ kơh mờ gơbàn làng bol  ngui lơh anih ìs kơphe. Dilah bơsong ờ thàn den ngan la he gơbàn gơ chồt. Lo\ Phạm Thị Minh Tâm kis tàm sơnah [òn Ea Tam, [òn dờng Buôn Ma Thuột sền go\ bơta do, ai git:“A` go\ broa\ ìs kơphe tềng gùng lòt bè do geh lơh aniai ờ niam ngan tus mờ gùng lòt la ua\ ngan, rơndeh dờng geh lòt gan den bơh geh gùng nàng rơndeh honda mờ rơndeh coh lòt? Làng bol kờ` pal git wa\ rlau tai, ba` ìs kơphe tềng gùng, ìs kơphe bè do den ờ geh gùng nàng lòt, kung kơp kờ` gơnoar atbồ [òn lơgar kờ` geh broa\ lơh nàng ba` lời bơta do gơlik geh”.

Ồng Bùi Văn Ngọc kuang atbồ cơldu\ lơh broa\ ờ do ờ da\ gùng lòt càr Daklak, ai git: broa\ làng bol ngui gùng nàng ìs phan lơh geh đơs bal mờ kơphe đơs ìs neh gơbàn bơh ua\ nam do. Mìng is gùng 27,  kàl do gơbàn sơgràm ìs kơphe, nhai tơnhàu kòi den is kòi, làng bol kơnhoàl Lak geh ìs jơh tềng gùng nàng ìs kòi, ìs rhe, lơh gùng lòt gơbàn aniai ngan. Ồng Bùi Văn Ngọc, đơs la:“Gah ờ do ờ da\ gùng lòt kung neh sùm geh tơng kah ala\ anih lơh broa\ geh gơnoar, anih atbồ gùng lòt mut lơh broa\ lơh atbồ dà lơgar he dê, pal tơngguh broa\ geh lơh bal ua\ ngan broa\ lơh. Geh mblàng pơlam, yal tơnggit nàng làng bol wa\ geh la broa\ ìs phan lơh geh tềng gùng lòt la tìs bơta atbồ gùng lòt. Dilah lời gơlik geh dơ\ rềs àr gùng lòt aniai ngan den gơbàn ya\ lơh glài kup màng. Bal mờ broa\ mblàng pơlam den sồr anih lơh broa\ geh gơnoar bè gah lùp sền càr, gah gùng lòt pơndiang phan, kung bè gah lùp sền atbồ gùng lòt  geh mut lơh broa\ lơh lòt sền lơh glài nàng làng bol git,  dong làng bol geh lơh jat adat boh lam sền gàr niam ờ do ờ da\ gùng lòt”.

Làng bol ìs kơphe lơh sơgràm jơh gùng lòt

Git ngan la,  bơta blàng ờ dờng, ìs phan lơh geh bơh làng bol dê gam ua\ ngan kal ke mơya ờ di bè hơ\ la lơh sơgràm  gùng lòt,  nàng ìs phan lơh geh, lơh bơta gơbàn aniai ờ niam lòt gùng. Broa\ lơh do geh lơh pơhìn ngan tu\ làng bol cau lơh sa càr Daklak tàm jat gah gùng dờng 27 kờ` pal kơryan mo di pal lài mờ ala\ broa\ gơlik geh lơh aniai ngan gơlik geh.

                             Cau cih mờ yal tơnggit K’ Brọp