VOV4.K’ho - Bulah gam gơbàn kal ke bè lơh lơh sa, mơya ua\ cau bơsram dờng kòn cau tàm Daklak neh lơh ngan brồ guh,  lơh geh ala\ cồng nha jơnhua tàm bơsram sra\ mờ tus bal ala\ broa\ lơh mpồl bơtìan bal.

            Rài kis hìu nha\  rbah ngan, jơh bơsram ơdu\ 12, Nông Thanh Hùng kòn cau Tày deh nam 1990 pal ơm bơsram, lòt lơh broa\ jòi pria\ dong mè.  Mờr 5 nam lơh ngan lơh broa\, lơh tơl ala\ broa\, bơh lơh mờng,  kong nhơn may, cau siat so\ hơ\ sồng rê lơh broa\  jơng tê, Hùng sơnơng, mìng geh pơnjat tai lòt bơsram hơ\ sồng geh rnàng tơnơ\ do sa\ tờm  in,  dong hìu nha\ lik klàs rbah. Mờ  lơh ngan hơ\,  Hùng neh   dan  pơrlòng mut  khoa Công tác xã hội, Hìu bơsram  cao đẳng sư phạm Daklak. Bơdĩh mờ  ala\ tu\ bơsram tàm hìu bơsram, Hùng geh gam lòt lơh  broa\  tai tu\  ru nàng geh pria\ ngui tàm broa\ bơsram. Mờ bơta lơh ngan  ờ ơm, 2 nam sùm, Hùng geh dờp la kơnòm bơsram dờng jak ngan, geh pồ lơh cau atbồ mpồl ơruh pơnu mờ la cau atbồ mpồl lơh  broa\ dong kờl is mpồl  bơtìan bơh Hìu bơsram cao đẳng sư phạm Daklak.

            Ờ mìng la dùl na\ cau bơsram dờng pơnrơ jak bơh hìu bơsram  dê, Hùng gam la dùl na\ cau pơnrơ ngan tàm broa\ lơh ơruh pơnu mờ srơh broa\ lơh ơruh pơnu, kơnòm pa tàu, kơnòm dềt bơh ntum Ea Kly, kơnhoàl Krông Pach. Nam 2011, Hùng geh  pơnỳơ sa\ ngan geh mut Đảng tu\ rơp 21 sơnam. Nông Thanh Hùng tam pà bal:“Tu\ gam bơsram tàm hìu bơsram den he kung kơp kờ` lơh mbè lơi nàng lơh gơs jak ngan ala\ broa\ mờ mpồl ơruh pơnu  hìu bơsram  jàu lơh kung bè mpồl đơng lam atbồ Đảng mờ  broa\ cau jàu. Mờ broa\ lơh tàm [òn lơgar den kơp kờ` jơnau git wa\ he dê geh bơsram kung geh ngui nàng geh ngui tàm srơh broa\ lơh mpồl ơruh pơnu tàm [òn. Tài jat oh sơnơng broa\ lơh ơruh pơnu tàm [òn kung gam  ua\ ngan bơta pal sền wơl, sa\ tờm oh kung geh sơnơng geh ua\ ngan broa\ lơh  nàng geh lơh ua\ tai  hờ lài,  den tàng tu\ he geh lòt bơsram rê,  den ala\ jơnau he bơsram geh geh la jơnau kuơ màng ngan nàng tơnơ\ do geh lơh broa\ ơruh pơnu tàm [òn lơgar”.

            Mờ H’ Phi La Niê kòn cau Rơđê, kơnòm bơsram dờng khoa Y Dược, Hìu  bơsram dờng Tây Nguyên, bơta kơp kờn gơs bác sĩ neh lơh oh geh lơh ngan  bơsram niam ngan. Deh mờ dờng  tàm hìu nha\ bèp la kong nhơn còr bơsơt cao su, mè la y tá  tàm hìu  sơnơm dềt tàm ntum, jơh 3 na\ oh mờ mi oh drờm gam tàm sơnam lòt bơsram den tàng bơh dềt oh H’ Phi La neh lơh is bơta geh bơkràu is sa\ ja` mờ sùm geh git wa\ lơh ngan tàm broa\ bơsram. H’Phi La  đơs,  wa\ geh bơta kuơ màng ngan bơh gah bơsram  oh dê neh rwah geh gơ rềng tus màng kis mờ pràn sa\ ja` kòn bơnus den tàng broa\  bơsram ngan ngồn sùm la broa\ lơh tờm ngan rlau jơh, sùm lơh is tàm broa\ bơsram sra\, jòi git tai ala\  git wa\ bơh ala\ sra\ nggal ndai krơi is. bal mờ hơ\,  H’Phi La gam tus bal tàm broa\ lơh mpồl ơruh pơnu, mpồl bơh gah oh bơsram bơyai lơh,  rơndap tap sèng tu\ tơngai bơsram mờ nhơl nho\ rài bồ tơngoh  di pal. Kơnờm bơh hơ\ tàm 2 học ký pa do, H’ Phi La drờm la  cau bơsram jak ngan rlau jơh,  la dùl kơnòm bơsram dờng ơnrơ ngan bơh ơdu\ YK15, Hìu bơsram dờng Tây Nguyên, H’ Phi La Niê đơs:“Bơh tu\ bơsram  kai III oh neh kờ` ngan tơnơ\ do gơs bác sĩ sơm kòp  tơl cau in, oh kơp kờ` cèng ala\ bơta git wa\ he dê  rê mờ [òn lơgar kung bè dong kờl ala\ làng bol geh rài kis kal ke.  Neh la  kơnòm  bơsram dờng den broa\ bơsram is la tờm ngan, ờ mìng iat jơnau mblàng bơh cau pơgru mờ  he gam pal bơsram bơh ua\ tu\, ua\ tiah ngan, guh hờ hìu  prap sền sra\ kung bè bơsram bơh tàm internet. Bal mờ hơ\,  ờ mìng lơh ngan kơmờm mờ  sra\ nggal mờ bol he pal geh  rlo sa\, tàp pràn sa\ ja` mờ rơndap tap sèng tu\ tơngai tus bal ala\ broa\ bơh mpồl, mpồl ơruh pơnu”.

            Nông Thanh Hùng mờ H’ Phi La Niê mìng la 2 tàm rlau 3 rbô na\  kơnòm bơsram dờng làng bol kòn cau bơh càr Daklak gam bơsram sra\ tàm ala\ hìu bơsram dờng, cao đẳng tàm gùt lơgar. Nam bơsram pa do, gùt càr neh geh 115 na\ cau bơsram  dờng geh cồng nha bơsram jak ngan  mờ jak ngan rlau jơh. Ờ mìng bơsram jak, ua\ cau bơsram dờng gam nhap nhar ngan tus bal broa\ lơh mpồl ơruh pơnu, mpồl tàm hìu bơsram tàm ala\ kơna\, geh ta\ pơ gồp dà kơlhề he dê bơtàu tơngguh srơh. Bi Y Nhuân Bya\ kuang atbồ mpồl ơruh pơnu càr Daklak ai git,  mờ bơnga\ tờm ngan tàm broa\ lơh tam klac, trơ gùm ơruh pơnu, tơngai lài,  mpồl ơruh pơnu mờ mpồl tam klac ơruh pơnu càr Daklak kung neh geh ua\ ngan broa\ lơh dong kờl ơruh pơnu,  kơnòm bơsram dờng kòn cau kờ` dong ala\ oh iang nùs bơsram sra\, mờ geh lơh ngan brồ guh tàm rài kis: “Tàm ala\ nam do,  mờ bơnga\ geh gơnoar bơh he dê, mpồl ơruh pơnu cộng sản Hồ Chí Minh neh lơh bal dong broa\ mờ atbồ  càr kờ` sền gròi mờ lot bal mờ  cau bơsram dờng la kòn cau. Broa\ lơh dơ\ dùl la ai càn pria\ kơnòm bơsram, cau bơsram dờng nàng geh pria\ lòt bơsram, dơ\ 2 la pah nam tìp mat cau bơsram dờng mờ geh lam sồr nùs nhơm ala\ oh,  lam sồr ala\ oh tàm bơsram sra\. Dơ\ 3 la Gah lơh broa\ sùm  mpồl ơruh pơnu càr kung geh jàu pria\ bơsram dong kờl ala\ oh  hìu rbah kờ` khi iang nùs tàm broa\ bơsram. Bơh hơ\,  geh pơ gồp bal lòt bal mờ ala\ oh tàm broa\ bơsram, broa\ lơh”.

            Bơh bơta lơh ngan bơh sa\ tờm, bơta sền gròi ngan bơh gơnoar atbồ [òn lơgar mờ mpồl bơtìan, ua\ cau bơsram dờng kòn cau tàm Daklak gam sơrlèt gan kal ke lơh ngan bơsram jak mờ  bơsram tàp sa\ ja`. Bơh hơ\,  pơ gồp bal lơh geh dùl mpồl cau geh bồ tơngoh jak kơnòm sa\, git wa\ jơnhua, nhap nhar  tus bal tàm broa\ lơh bơtàu tơngguh lơh sa mpồl bơtìan  tàm [òn lơgar.

                             Cau cih mờ yal tơnggit K’ Brọp