VOV4.K’ho – Daklak tu\ do geh rlau 6 rbô 300 nă kơnòm dềt geh rài kis uă kal ke, kơnòm kòn đời, kuet kơlte. Kờ` dong ală oh tơmù dimơ kal ke tàm rài kis, tơngai lài, ală kơnă, ală gah broă lơh tàm càr neh lơh ngan dong kờl ală oh in mờ uă broă lơh bè pà priă dong kờl bơsram, lơh hìu nùs nhơm, kham mờ pơlam sền gròi pràn kơldang să jan ờ sa priă, dong kờl priă reh::

Tàm [òn Hra Ea Hning, xã Dray Bhăng, kơnhoàl Cư Kuin, càr Daklak, geh dùl nơm hìu pa geh lơh, lời is ai 3 nă oh mi kòn đời in. H’Siếu Bdap, 18 sơnam, là cau tờm hìu, bal mờ 2 nă oh là Y Tí Bdap mờ Y Teo Bdap. H’Siếu pà git, mè bèp ală oh dê chơt tài gơtìp kòp ngòt rơngơt bơh nam 2005. Pe nă oh mi pal kis kơldìng tàm mơi tờm kung r[ah ngan, kis tàm dùl nơm hìu hat hal, `hat sùh, kal ke tơl bơta. Mơya kal ke tu\ do neh gơmù uă ngan, sap `o\ geh tus wơl tàm muh mat ală oh dê, tu\ 3 nhai do, kes priă sền gàr mờ dong kờl kơnòm dềt càr Daklak pơgồp bal mờ mpồl dong kờl lơh pà 3 nă oh mi in dùl nơm hìu ơnàng mờr 30 thơk vuông. Chờ hờp geh ơm tàm hìu pa, oh Y Teo Bdap đơs: “Mè oh dê chơt bơh tu\ oh gam dềt ngan, jơh 3 nă oh mi ndrờm ơm mờ mơi, geh mơi ròng siam, ai lòt bơsram. Tu\ do geh hìu pa oh chờ hờp ngan, bơh tu\ do ală oh ờ duh pal ngòt trồ mìu nhàc, tơngai duh, hat hal tai."

Hìu pà 3 nă oh mi kòn đời in

Jat Sở Lao động – Thương binh mờ Xã hội càr Daklak, mờ bơta sơmbat tê bal bơh gùt mpồl bơtiàn dê, tơngai lài, broă lơh sền gròi mờ bơto bơtê kơnòm dềt tàm càr neh lơh geh uă cồng nha niam. Jơh ală kơnhoàl, thị xã, [òn dờng neh crơng gơs mpồl đơng lam halà mpồl sền gàr kơnòm dềt tus kơnă xã, sơnah [òn. Bơh hơ\, 80% kơnòm dềt geh rài kis uă kal ke tàm càr neh geh sền gròi, dong kờl. Tàm khà uă broă lơh ai kơnòm dềt tàm càr Daklak in, broă kham rơwah kòp plai nùs mờ kòp jê tềng jơng tê, dong kờl priă reh là broă lơh geh cồng nha pơn rơ ngan, dong git nđờ jơt dơ\ oh dềt geh reh pah nam. Pa geh dong kờl 48 tơlak priă reh nùs kòn in, bi ùr Phạm Thị Ánh, ơm tàm [òn 3A, xã Ea Ô, kơnhoàl Ea Kar ngoh rơngac đơs: “A` ưn ngài ngan ală broă lơh neh dong kờl reh kòn a` in. A` lơh broă sa tàm [òn lơgar kung gơtìp kòp jê sùm, ờ tơl priă nàng blơi sơnơm kòn in. Bơtuah ngan mờ kung chờ hờp ngan tài kòn a` dê mờr geh reh, kung ờ huan kơlôi tai, a` ờ kơlôi bơta lơi mìng kơlôi kòn in lơm, mìng kơp kờ` kòn a` dê tu\ jơh reh den pràn kơldang, ờ gam kơp kờ` bơta lơi rlau tai.”

Bơta chờ hờp tus wơl mờ mè kòn bi ùr Ánh

Tàm nam 2016, kes priă sền gàr mờ dong kờl kơnòm dềt càr Daklak neh lam sồr tă pơgồp geh 29 tơmàn priă, dong kờl rlau 13 rbô nă kơnòm dềt kal ke, dong priă reh nùs ai 71 nă cau in, lơh 2 nơm hìu nùs nhơm. Mìng is bơh bồ nam tus tu\ do, kes priă kung neh lam sồr geh 600 tơlak priă dong kờl 4 rbô dơ\ kơnòm dềt in. Ồng Lâm Đình Nhiên, kuang atbồ kes priă sền gàr mờ dong kờl kơnòm dềt càr Daklak pà git: “Gơwèt mờ kơnòm dềt r[ah càr dê den kes priă sền gàr mờ dong kờl kơnòm dềt pơnjat tai lam sồr dong kờl priă jền reh kòp, dong kờl priă bơsram nàng dong ală oh lòt bơsram, dong kờl phan bơna tàm ală ngai chờ, ngai sa tềp. Lơh ngan cribơyai mờ cấp uỷ, gơnoar atbồ, ngan là Hội đồng dong kờl kes priă sền gàr mờ dong kờl kơnòm dềt càr Daklak, Sở Lao động – Thương binh mờ xã hội, lam sồr hòi jà ală mpồl dong kờl tơl bơta pràn nàng sơmbat tê bal dong kờl kơnòm dềt r[ah, kơnòm dềt kòn đời tàm càr in uă rlau tai tàm tơngai tus.”

Bulah khà kơnòm dềt geh rài kis uă kal ke gơmù gam 1,18%, lơh geh cồng nha jơnhua rlau mờ jơnau kờ` 4,25% neh ai tơlik, mơya tu\ do càr Daklak kung gam rlau 6 rbô 300 nă kơ nòm dềt geh rài kis kal ke, uă ngan là kơnòm dềt kuet kơlte, kòn đời ờ geh anih kơldìng. Ală kơnă, ală gah broă lơh mờ ală tiah tàm Daklak gam pơnjat tai lơh ngan, lam sồr uă rlau tai bơta lơh bal bơh gùt mpồl bơtìan dê, nàng sền gròi, dong ală oh brồ guh tàm rài kis.

                 Cau cih mờ yal tơnggit K’Duẩn