VOV4.K’ho – Bơh tu\ do tus lài mờ sa tềp Đinh Dậu 2017, Ủy ban mặt trận dà lơgar càr Daklak pơ gồp bal mờ ală kơnă Đảng, gơnoar atbồ, mpồl bal, ală mpồl lơh sa kă bro mờ cau geh nùs nhơm niam bơyai lơh ală mpồl lòt còp, pà phan sa tềp ai ală mè Việt Nam khin cha jak chài, hìu nhă cau ling chơt màng, cau ling kòp tê jê să, hìu nhă geh màng mờ dà lơgar, hìu nhă r[ah, hìu nhă uă kal ke… Kờp du\ tơl bơnah phan geh bơh 300 tus 800 rbô priă, tàm hơ\ geh ba`, kèu, ală phan sa kuơ màng mờ priă. Kung tàm tu\ do, Ủy ban mặt trận dà lơgar càr Daklak mờ ală mpồl dong kờl neh bơyai lơh jàu ngui rlau 20 nơm hìu tam klac dờng, hìu nùs nhơm ai làng bol kòn cau r[ah in nàng geh hìu pa wă rò sa tềp. Ồng Lê Ngọc Tâm, Chủ tịch Ủy ban mặt trận dà lơgar càr Daklak đơs: “Pơgồp bal lam sồr mờ bơyai lơh sền gròi sa tềp cau r[ah in di sa tềp Đinh Dậu 2017, bol a` neh tơlik rơndap broă pơ gồp bal mờ ală kơnă mặt trận, ală mpồl bal mờ ală gah lơh broă, ngan là gah lơh broă cau ling sồt să mờ mpồl bơtiàn, sền gròi tus ală cau là  cau r[ah, ală hìu nhă geh sră dong kờl bơh dà lơgar, còp mờ pà phan, geh jơnau pơn dờm kờ` lơh bè lơi ală cau geh sền gròi sa tềp chờ hờp. Mơkung jàu hìu tam klac dờng mờ hìu dong kờl 167 tơngai dơ\ 2 geh jàu jơh lài mờ sa tềp.”

          Cau cih mờ yal tơnggit K’Duẩn