VOV4.K’ho – Sùm tàm ală ngai do, tàm càr Daklak geh mìu sơr lơh gơbàn dà ko\ dà cò tàm ală kơnhoàl M’Drak, Ea Kar, Krông Bông, Krông Ana, Lak. Dà ko\ dà cò lơh 85 nơm hìu gơtìp ngơr bam; 215 hìu nhă gơtìp tam cah is; 8 nơm hìu gơtìp aniai kơn jơ\ ngan; 7 hìu bơsram kai 1 mờ mầm non tàm kơnhoàl M’Drak pal ai ơm bơsram tài aniai bơh dà ko\ dà cò. Bè broă lơh sa suơn sre, geh rlau 994 lồ chi tam ală bơta gơtìp ngơr bam… Mpồl đơng lam rơcang sơndră trồ tiah lơh aniai mờ jòi dong kờl rềs àr càr Daklak neh yal tus ală tiah gơtìp aniai, đơng lam broă rơcang sơndră trồ tiah lơh aniai; đơng lam bơsong bơta kòl gùng lòt lơh tam cah uă hìu nhă [òn M’Um, xã Cư Prông; chul chồl ală cau tờm atbồ tơnau dơng dà tàm càr sền gròi bơta tam pà dà bơh tơnau dơng dà dê mờ geh broă lơh gàr niam ờ do ờ dă. Mìng is Ủy ban nhân dân kơnhoàl M’Drak rơcang ntrờn 31 hìu nhă làng bol tàm tiah pơhìn gơtìp ngơr bam tus tiah ờ do ờ dă…

              Cau cih mờ yal tơnggit K’Duẩn