VOV4.K’ho - Gah lơh broa\ cau ling sồt sa\ mờ mpồl bơtìan càr Daklak ai git,  gùt càr geh mờr 15 rbô na\ cau geh màng mờ dà lơgar geh dờp phan pà bơh Kuang atbồ lơgar tu\  sa tềp nam pa Bính Thân, kờp jơh pria\ pà phan  la rlau 3 tơmàn pria\.

            Nền nòn geh  pơgap di 200 na\ cau la cau lơh broa\ kac màng lài mờ ngai 1-1-1945, cau lơh broa\ kac màng bơh ngai 1-1-1945 tus dơ\ ntàu tam lơh 19-8-1945, Cau mè Việt Nam khin cha jak chài, cau khin cha jak chài ling klàng làng bol, cau khin cha jak chài tàm rài tam lơh,  cau hìu nha\ mờ cau ling chơt màng gam dờp geh sa pria\ nhai pah nhai, cau ling sồt sa\, cau ling kòp tê jê sa\, cau dờp bơta dong kờl bè cau ling sồt sa\ gơmù bơta pràn sa\ lơh broa\ bơh sồt sa\, kòp tê jê sa\ bơh 81% kơnjơ\ rlau, cau lòt tam lơh gơbàn  gơtờp sơnơm khih  hoá học, gơmù pràn lơh broa\ bơh 81% kơnjơ\ rlau gam dờp  sa pria\ nhai pah nhai, cau geh màng mờ dà lơgar dong kờl kac màng gam dờp dong kờl ròng siam pah nhai geh  pà phan mờ khà la 400 rbô.

            Khà phan pà 200 rbô dùl na\ cau geh rlau 14.500 na\ cau la cau ling sồt sa\, cau ling kòp tê jê sa\,  cau geh dờp dong kờl bè cau ling sồt sa\ gơbàn gơmù pràn sa\ lơh broa\ bơh sồt sa\, kòp tê jê sa\ bơh 81%, ala mat cau hìu nha\ tờm ngan bơh cau ling chơt màng, ala mat hìu nha\ duh kah cau ling chơt màng, cau lơh broa\ kac màng, cau lòt tam lơh gơbàn bol sò tơm kup jàm, cau geh màng  dong kac màng gam dờp geh dong kờl pah nhai.

                      Cau cih mờ yal tơngit K’ Brọp