VOV4.K’ho – Ngai òr 8/8, Mpồl kuang bàng Gơnoar ala mat dà lơgar càr Daklak bơyai lơh pơrjum tìp mat cau te\ khà tơnơ\ pơrjum dơ\ 1, Gơnoar ala mat dà lơgar kơnă 14 tàm kơnhoàl Ea Hleo mờ kơnhoàl M’Drak.

Mpồl kuang bàng Gơnoar ala mat dà lơgar càr Daklak tìp mat cau te\ khà.

Tàm ală anih tìp mat, cau te\ khà tàm [òn lơgar neh ràng tơlik bơta chờ hờp bè cồng nha bơh te\ khà Gơnoar ala mat dà lơgar kơnă 14 mờ ală cồng nha kuơ màng bơh pơrjum dơ\ 1, Gơnoar ala mat dà lơgar kơnă pa, tơngai lơh broă bơh nam 2016 tus nam 2021, tàm hơ\ kuơ màng là sền sơwì, tơlik kơrnuat bè rơndap tap sèng mpồl cau lơh broă, pồ mờ ki\ kơrnuat pồ cau lơh broă dờng màng bơh ală anih lơh broă dà lơgar dê. Cau te\ khà kung đơs tus ală kal ke bè bơta [ơ\ [ơl tiah kis tơ nơ\ bơta yuh phan [ơ\ bơh mpồl lơh sa kă bro Formusa dê, bơta phan sa [ơ\ [ơl, bơta pồ, rơndap lài kuang bàng lơh broă mờ ală ờ niam bơh broă dong kờl hoàc huơr tàm dơ\ trồ prang dờng soat dà lơh aniai pa do… Kuơ màng, cau te\ khà sền gròi tus broă atbồ, sền gàr brê gam gơtìp sền ờ sơp tàm uă tiah, bulah kuang gơs gơnap gơnoar atbồ hơđang rlau jơh dà lơgar neh tơlik kơrnuat til mpồng brê. Cau te\ khà Nguyễn Chí Tiến, ơm tàm [òn drà Ea Drăng, kơnhoàl Ea Hleo đơs: “ A` go\ broă Kuang gơs gơnap gơnoar atbồ hơđang rlau jơh dà lơgar tơlik kơrnuat til mpồng brê là cau te\ khà bol a` jờng ngan, mơya bol a` kung gam ală ờ suk. Tu\ do til mpồng brê den jàu cau lơi in atbồ, tài bơh lài tus tu\ do bol a` go\ broă atbồ, sền gàr brê ờ hềt kơ\ mờ gam geh uă bơta mờ làng bol ờ hềt iang nùs. Bơh kuang bàng Gơnoar ala mat dà lơgar a` dan đơs jơnau dan bơh uă ngan làng bol dê, kơp kờ` Gơnoar ala mat dà lơgar geh broă lơh bè lơi nàng sền gàr brê, tam wơl, bơtàu tơnguh wơl, cèng wơl ală cồng nha sền gàr tiah kis làng bol in.”

           Cau cih mờ yal tơnggit K’ Duẩn.