VOV4.K’ho – Gah Kông thương Daklak gam lơh broă rơndăp lơh gàr niam khà priă drà kă bro tàm dơ\ sa Tềp bơhiàn Đinh Dậu nam 2017. Jơnau kờn geh sồr lơh là gàr niam khà priă tàm jơh ală tiah bơh [òn dờng, [òn drà mờ [òn lơgar. Ală bơta bè drà kă bro gơlik geh geh anih lơh broă geh gơnoar mờ mpồl lơh sa kă bro pơgồp bal bơsong. Tus tơngai do, tàm Daklak geh 7 mpồl lơh sa kă bro, siêu thị cih mat lơh bal broă rơndăp lơh gàr niam khà priă drà kă bro bơh càr dê, mờ digơlan phan bơna ơn prăp là rlau 200 tơmàn priă, gơguh 5% pơndrờm mờ dơ\ sa Tềp nam 2016. Tu\ do, ală mpồl lơh sa kă bro neh tơmu\t tàm anih prăp phan ală bơta phan pal geh drơng tàm dơ\ sa Tềp bè phe sa, sơdàng, boh, dà toh, tơngi sa…mơkung hơ geh tăc ală phan bơna mờ khà priă ờ tơnguh, lơyah rlau mờ drà kă bro bơh 3-5%. Nàng uă làng bol geh dờp kuơ bơh broă lơh gàr niam khà priă tàm dơ\ sa Tềp bơhiàn Đinh Dậu nam 2017, Sở Kông thương Daklak gam lơh pràn broă mblàng yal, mơkung sơlơ đơng lam mờ lòt sền ală mpồl lơh sa kă bro lơh bal gàr niam khà priă.

Cau cih mờ yal tơngi\t- Lơ Mu K’ Yến