VOV4.K’ho – Drim òr, 9/3, mpồl bơyai lơh chờ kơphe Buôn Ma Thuột dơ\ 6 mut lơh drà – ràng tơlik gah lơh kơphe nam 2017 mờ tơngume “Kơphe niam tài pràn kơldang să jan mpồl bơtiàn. Lơh drà mờ ràng tơlik geh 234 mpồl lơh sa kă bro tàm lơgar mờ lơgar ndai tus bal, yal ală bơta kơphe, ală phan bơna dong kờl gơ rềng tus kơphe bè: ràng tơlik sơntìl tờm kơphe mờ broă lơh dòr kơphe, hìu mai\ lơh gơlik kơphe; ràng tơlik mai\ pơr, mai\ kơphe; lơh pơgap ală broă lơh kơphe bè kơphe sềm ròng, kơphe tac kềng gah gùng.. Lơh drà – ràng tơlik gah lơh kơphe gam là tu\ nàng ală mpồl lơh sa kă bro, cau atbồ, cau khoa học, làng bol lơh broă sa tìp mat, cribơyai, hòi jà bơcri priă mờ kă bro, tam jàu khoa học kỹ thuật jat broă lơh hòi jà bơcri priă kă bro dà lơgar bơh Bộ Công thương đơng lam.

          Cau cih mờ yal tơnggit K’Duẩn