VOV4.K’ho – Mìng gam rlau 2 poh tai, kơnòm bơsram ơdu\ 12 geh tus bal pơr lòng jơh bơsram cấp 3 dà lơgar nam 2017. Tu\ do, ală hìu bơsram cấp 3 tàm Daklak gam mut tàm tơngai pơlam bơsram lồi dut nàng tơngkah wơl ală git wă kơnòm bơsram in lài mờ tu\ mut tus pơr lòng kuơ màng do

Mờ rlau 900 nă cau cih mat tus bal pơr lòng jơh bơsram cấp 3 dà lơgar nam do, hìu bơsram cấp 3 Buôn Ma Thuột, [òn dờng Buôn Ma thuột là hìu bơsram geh khà kơnòm bơsram tus bal pơr lòng gal ngan rlau jơh càr Daklak dê. Tu\ do geh 75% khà kơnòm bơsram bơh hìu bơsram dê cih mat sac rơwah mut tàm ală hìu bơsram đại học, cao đẳng ban Khoa học tự nhiên. Den tàng, bơh bồ nhai 3, hìu bơsram neh rơndap lài pơlam bơsram ai ală kơnòm bơsram in jat bơta do. Pơgru Phạm Văn Sinh, Phó kuang atbồ hìu bơsram cấp 3 Buôn Ma Thuột pà git: “Bơta krơi bơh hìu bơsram dê tàm nam bơsram 2016 – 2017 là ală oh rơwah ban khoa học tự nhiên uă rlau mờ ban khoa học xã hội, den tàng broă bơyai lơh pơlam bơsram nàng ală oh git ală bơta pa bơh dơ\ pơr lòng dê, tơl môn geh bơta pơn rơ is den tàng ală mpồl lơh broă ờs mờng bơh hìu bơsram dê kung neh rơcang lài bơt bơtàu rơndap broă tam gơl pa broă bơto bơtê mờ bơsram dipal mờ tơl môn, dipal mờ chài bơsram bơh kơnòm bơsram mờ bơta geh ngan bơh hìu bơsram dê, pơgồp bal bơto bơtê jơh 3 bơta là pơr lòng cih jơnau mờ trắc nghiệm nàng kơnòm bơsram in git kơ\ mơkung geh bơta chài lơh jơnau pơr lòng niam.”

Oh Trần Bùi Yến Nhi, kơnòm bơsram ơdu\ 12A6, hìu bơsram cấp 3 Cư Mgar, kơnhoàl Cư Mgar, càr Daklak pà git, nàng rơcang niam tus dơ\ pơr lòng, Nhi bal mờ ală bơyô he dê neh jòi git jơnau tơnggit bè dơ\ pơr lòng, jơnau lùp pơr lòng digơlan geh ai mờ ală jơnau pơr lòng pơn yơu bơh uă hìu bơsram krơi is. Tus tu\ do, broă pơlam bơsram ală oh dê ndrờm bè neh jơh. Jơh ală oh geh bơto wơl mờ git nền ală jơnau neh bơsram, pin dờn sơr lèt gan dơ\ pơr lòng kuơ màng do. Oh Yến Nhi đơs: “Pơr lòng jơh bơsram cấp 3 dà lơgar geh bơta tam gơl pa, den tàng bol oh geh bơta rơcang lài nền nòn rlau, ngan là sền gròi jơnau tơnggit den oh sền uă ngan tàm ală pang internet mờ kung geh uă ngan jơnau tơnggit, Bộ giáo dục kung yal uă ngan jơnau tơnggit. Bal mờ ală jơnau tơnggit tàm internet den pơgru kung sùm pơlam lài nền nòn ngan. Bè pơr lòng trắc nghiệm, den git wă gơ dê rah rài mờ uă, ờ di bè pơr lòng cih jơnau mờ mìng geh tàm tơngume bơsram ơdu\ 12 den tàng bol oh pal bơsram uă rlau tàm sră mai\.”

Gơwèt mờ hìu bơsram cấp 3 kòn cau Nơ Trang Lơng, [òn dờng Buôn Ma Thuột, nàng kơnòm bơsram lơh quèng mờ bơta pơr lòng pa, hìu bơsram neh bơyai lơh uă dơ\ pơr lòng lài nàng sền bơta niam kơnòm bơsram dê. Geh rơndap broă pơlam bơsram is ai tơl nă kơnòm bơsram ờ huan jak in. Tàm dơ\ sền gròi git wă bơsram tơngai dơ\ 2 pa do, hìu bơsram neh bơyai lơh pơr lòng lài bè pơr lòng jơh bơsram cấp 3 dà lơgar, ờ mìng dong kơnòm bơsram lơh quèng mờ jơnau lùp pơr lòng, mờ gam ai điểm nàng kờp điểm môn học dê. Tus tu\ do, 100% kơnòm bơsram bơh hìu bơsram dê neh git loh rơndap sap sèng jơnau lùp pơr lòng mờ broă lơh jơnau pơr lòng nàng pin dờn mut tus dơ\ pơr lòng. Pơgru Bùi Xuân Lễ, phó kuang atbồ hìu bơsram cấp 3 kòn cau Nơ Trang Lơng, [òn dờng Buôn Ma Thuột pà git: “Bơh gùng dà rơndap lài Sở giáo dục đào tạo dê tàm broă bơyai lơh pơr lòng jơh tơngai bơsram dơ\  2 nam bơsram dê mờ bơyai lơh ală oh in lơh quèng mờ bơta pơr lòng jơh bơsram cấp 3 dà lơgar den hìu bơsram neh pơgồp bal broă sền gròi git wă tơngai bơsram dơ\ 2 nàng sền cồng nha bơsram tơngai dơ\ 2 mờ broă lơh pơr lòng jơh bơsram cấp 3 dà lơgar, bol a` mut lơh jat bơta ai jơnau lùp, bơyai lơh pơr lòng jat bơta bơrlu\ bal, pơr lòng cih jơnau mờ pơr lòng trắc nghiệm jat jơnau sồr bơh Bộ giáo dục mờ đào tạo dê mờ bol a` neh lơh jơh tàm tơngai bơsram dơ\ 2. Cồng nha bol a` go\ là, kơnòm bơsram ờ huan gơtìp kal ke tàm broă lơh jơnau pơr lòng trắc nghiệm.”

Pơr lòng jơh bơsram cấp 3 dà lơgar nam do, tàm Daklak geh 1 hội đồng pơr lòng mờ 43 anih pơr lòng. Bè khà kơnòm bơsram tus bal pơr lòng geh 22 rbô 390 nă. Tàm hơ\, rlau 5 rbô nă oh là cau kòn cau. Tu\ do, ală hìu bơsram cấp 3 kung gam bơyai lơh pơlam bơsram kơ nòm bơsram ơdu\ 12 in. Broă pơlam bơsram do geh tơn jơh lài mờ pơr lòng jơh bơsram cấp 3 dà lơgar geh lơh pơgap 1 poh, gơ jat tàm bơta kơp kờ` kơnòm bơsram dê.

                                                                              Cau cih mờ yal tơnggit K’Duẩn