VOV4.K’ho - Tềng đap broa\ git go\ 2 na\ cau kòp bơh virus Zika, tàm hơ\ geh dùl na\ cau tàm càr Khánh Hoà- la càr nđir bal, geh broa\ lơh ka\ bro, lòt rê sùm, gah lơh sơnơm càr Daklak neh tơngguh khà yal tơnggit lài, nhap nhar mut lơh ala\ broa\ lơh rcang sơndra\ kơryan bơta gơ mut bơtờp bơh virus Zika.

            Mo tơnơ\ 2 na\ cau gơbàn kòp bơh virus Zika geh yal, broa\ lơh lơh broa\ bơh gah lơh sơnơm càr Daklak neh tơngguh tus khà 2, ala\ hìu sơnơm kơnhoàl, [òn dờng, [òn drà kung tàm bơta lơh broa\ rcang lài, dờp cau kòp, sơm kòp ala\ cau gơbàn gơtờp kòp bơh virus. Bác sĩ Phạm Văn Lào  kuang atbồ anih tờm lơh sơnơm rcang lài càr Daklak ai git, kòp mprơm gơlik mhàm kung gam tàm khà jơnhua, kờp bal tơl poh geh bơh 30 tus 35 na\ cau gơbàn kòp do. Tàm tu\ gơbàn bơh cau bơtờp kòp bơh virus Zika kung drờm ngan la mờ cau kòp mprơm gơlik mhàm, den tàng kờ` pal rcang git ngan lài jơh. Tềng đap mat, gah lơh sơnơm càr Daklak lơh pràn mblàng pơlam nàng làng bol nhap nhar gơsơt kih dà, kờ` kơryan phan lơh bơtờp virus Zika. Anih tờm lơh sơnơm rcang lài càr Daklak kung bơyai lơh ai tus bơto pơlam  cau kuang lơh sơnơm tàm gah lơh sơnơm git gờ` ala\ bơta gơbàn mờ ai mhàm sền kòp jơh ala\ cau geh pin gơ tờp kòp, git gờ` nàng kơryan tiah gơbàn kòp.

          Cau cih mờ yal tơnggit K’ Brọp