VOV4.K’ho - Ngai òr 24/02, hơ\ là ngai 6/1 jăt tơngai àng kơnhai, bal mờ gùt lơgar, ală anih lơh broă dà lơgar tàm càr Daklak neh lòt lơh broă wơl tơnơ\ mờ 9 ngai ơm rơlô satềp. Ngai sơnrờp lơh broă, geh uă ntum tàm càr neh bơyai lơh sền wơl bơta lơngăp lơngai ờ do ờ dă tàm ală ngai satềp mờ dong kờl làng bol bơsong mhar, niam ală sră nggal, kờ` ai tơl^k 1 bơta sơnrờp niam bơne\ tus mờ gùt nam, tềng đap mat là ai broă tơl niam ờ do ờ dă tàm ală dơ\ nhơl chờ geh bơyai lơh tàm càr tàm nam pa do. Jăt khà tơnguh rài kis lơh sa, ală ngai chờ nam pa ală jơi bơtiàn kòn cau kis tàm càr Daklak pah nam tơnguh tai, tơnjo\ ală ngai chờ satềp dê bè ngai chờ ală jơi bơtiàn kòn cau kis tàm tiah Tây Bắc, nhơl chờ tơmù gơnơng ală [òn kòn cau Mường, ngai chờ đơs pơn đik quan họ mờ chờ tam pơ\t mpồl bơtiàn cau bơh càr Bắc Ninh. Mìng is nam pa do, càr Daklak gam geh tai chờ dờng tơnkah 40 nam tơngklàs Buôn Ma Thuột mờ nhơl chờ kơphe Buôn Ma Thuột dơ\ 5. Mờ broă mờng chài bơh broă gàr niambơta lơngăp lơngai tàm satềp Ất Mùi pa do, mờ nùs nhơm lơh broă nền nòn bơh tàm ală ngai bồ nam, ală mpồl đơng lam Đảng mờ gơnoar atbồ tàm càr Daklak geh pơn jăt tai prăp gàr ală ngai chờ càr dê gơs là ală ngai chờ hờp ngan.