VOV4.K’ho – Trồ tơngai prang jo\ jòng lơh broă lơh sa ờ geh tơnhàu, gơlam tus bơta jơgloh tàm nhai puh pah tàm càr Daklak gơguh uă nisơna. Tu\ do, geh pơgăp 44 rbô nă cau tàm càr gam kờn geh dong kờl phe sa jơgloh bơh Gơnoar atbồ lơgar dê. Pơgăp mờ do dùl poh, tu\ dờp geh 500 tấn phe bơh Gơnoar atbồ lơgar dê, càr Daklak neh mhar dong kờl jơgloh ai pơgăp 30 rbô nă cau tàm jơh ală kơ nhoàl, [òn drà tàm càr in. Gah lơh broă geh gơrềng pơn jat tai kờp sền ai go\, tài bơh trồ tơngai prang jo\ jòng lơh broă lơh sa ờ geh tơnhàu, gơlam tus bơta jơgloh tàm nhai puh pah gơguh uă tai nisơna. Tu\ do, jơh gùt càr geh pơgăp 64 rbô nă cau ờ geh phe sa. Tàm tu\ càr gam kal ke, Anih duh broă làng bol càr Daklak neh dan mờ Gơnoar atbồ lơgar pơn jat tai dong kờl tai 1 rbô tấn phe nàng dong kờl phe sa jơgloh ai làng bol in. Ồng Trần Kim Tiến- kuang jat jơng atbồ Cơldu\ lơh broă sền gàr dong kờl mpồl bơtiàn- di Gah Lơh broă cau ling sồt să mờ mpồl bơtiàn càr Daklak pà gi\t, bơh bồ nam tus tu\ do, càr neh geh Gơnoar atbồ lơgar dong kờl 1500 tấn phe; broă pà phe dong kờl phe sa jơgloh ai làng bol in geh lơh di tu\, di cau mờ geh lơh niam.

Cau cih mờ yal tơngi\t- Lơ Mu K’ Yến