VOV4.K’ho -  Drim òr (16/02), anih duh broă gah tề lam gùng dră bal dà lơgar càr Daklak bơyai lơh cri bơyai dơ\ 1 ringbal pồ kuang bàng gơnoar ala mat dà lơgar kơnă 14 mpồl duh broă ala mat làng bol càr Daklak, tơngai lơh broă bơh nam 2016 tus nam 2021. Tàm pơrjum, ală kuang bàng ringbal uă mờ jơnau đơs rơndap 6 nă kuang ala mat càr mờ 3 nă kuang ala mat bơh dà lơgar yal. Kung tàm dơ\ pơrjum, gah tề lam gùng dră bal dà lơgar càr bơyai lơh cribơyai dơ\ 1 nàng ring bal bè rơndap tap sèng, cau kung bè khà cau tơlik mat te\ khà kuang ala mat mpồl duh broă ala mat làng bol càr Daklak tơngai lơh broă bơh nam 2016 tus nam 2021. Jat mờ hơ\, càr Daklak geh pồ 85 nă kuang ala mat mpồl duh broă ala mat làng bol càr, jat mờ hơ\, pal geh êt ngan rlau jơh là 141 nă cau tơlik mat te\ khà. Tơnơ\ mờ tu\ cribơyai, ală kuang àng ringbal tơnguh khà cau tơlik mat te\ khà kuang bàng mpồl duh broă ala mat làng bol càr bơh 160 tus 170 nă.

                   Cau cih mờ yal tơnggit K’ Brọp