VOV4.K’ho - Mờr 3 nam mut lơh broa\ lơh ai càn pria\ jền mờ pria\ cồng êt kờ` tam pa kơphe wơl,  mơya tàm càr Daklak mìng rơp geh 19 na\ cau tam kơphe mờ 8  mpồl lơh sa ka\ bro geh càn pria\ do. Jat rơndap broa\,  bơh nam 2014 tus 2016,  càr Daklak  tam pa di 11.600 lồ kơphe, mơya tus tu\ do,  khà pria\ ai càn mìng lơh di ala\ khà cau càn êt ngan. Nền nòn,  gùt càr mìng geh 31 cau geh càn 51 tơmàn pria\ nàng  tam pa wơl 600 lồ  kơphe neh kra. Gơbàn geh bơta do la bơh khà càn pria\ lơyah,  cau tam kơphe ờ geh lơh tơl ala\ bơta kờ` nền nòn ngan bơh anih pria\ jên kờ` geh  càn pria\. Jat ồng Tăng Hải Châu kuang jat jơng atbồ anih pria\ jền dà lơgar tàm Daklak yal,  Gơnoar atbồ lơgar kờ` geh broa\ lơh nền nòn rlau kờ` dong kờl cau tam kơphe geh tam  pa wơl kơphe.

          Cau cih mờ yal tơnggit K’ Brọp