VOV4.K’ho – Ngai òr, 03/10, tàm pơrjum sền sơ wì mut lơh kơnòl bơtàu tơnguh lơh sa  - mpồl bơtiàn, sền gàr dà lơgar - sền gàr ngap lơngai 9 nhai mờ mut lơh kơnòl 3 nhai lồi nam, Anih duh broă làng bol càr Daklak pà git, geh uă broă khà lơh geh lơyah ngan, tàm hơ\ priă lơh geh tàm dùl nă cau gơmù. Tàm 18 khà lơh sa - mpồl bơtiàn kuơ màng, geh 13 khà gàr niam tơngai mut lơh, khà gam wơl lơyah ngan, tàm hơ\ priă lơh geh tàm dùl nă cau bơh càr Daklak dê tàm 9 nhai do gơmù 6,2% pơn drờm mờ 9 nhai bồ nam lài. Là càr geh uă bơta chi tam jo\ ngai kuơ màng bè kơphe, tiêu, ală nam pa do, làng bol lơh broă sa càr Daklak tam bơrlu\ tai ờ uă bơta chi sa plai geh bơta kuơ lơh sa uă bè bơ, sầu riêng mờ khà bơtàu tơnguh uă ngan, mơya priă lơh geh tàm dùl nă cau kung mìng geh mờr 19 tơlak priă, lơyah rlau pơn drờm mờ rơndap broă bơh Anih duh broă làng bol càr dê là rlau 36 tơlak priă.

            Cau cih mờ yal tơnggit K’ Duẩn.