VOV4.K’ho – Sa tềp do, uă hìu nhă công nhân geh rài kis kal ke tàm kơnhoàl tiah nhàr dà lơgar Buôn Đôn, càr Daklak geh ntrờn tus ơm tàm hìu pa bơh broă lơh “Hìu ơm Công đoàn” dong kờl:

Ală ngai mờr tus sa tềp Đinh Dậu 2017, tàm hìu ơnàng 90 thơk vuông pa lơh bơh ùr bơklau bi Hoàng Trung Hiến, kòn cau Tày tàm [òn 12, xã Tân Hoà, kơnhoàl tiah nhàr dà lơgar Buôn Đôn bềng ngan bơta chờ hờp. Bi Hiến yal, bau neh mờr 16 nam mơya sa tềp nam do digơlan là sa tềp chờ hờp ngan rlau jơh, kah ngan rlau jơh.

Pơgap mờ do ờ hềt tus 3 nhai, hìu nhă pal kis tàm hìu ing, mìng ơnàng 20 thơk vuông, 4 gah kơlik hìu là dơm chi neh ồm lề, rơkàng sơlo bềng tơn trồm bluh. Go\ rài kis kal ke, nhai 9 nam 2016, Liên đoàn lơh broă kơnhoàl Buôn Đôn dong kờl hìu nhă 50 tơlak priă bơh broă lơh “Hìu ơm Công đoàn” nàng lơh hìu. Bơh bơnah priă dong kờl do, bal mờ priă jền tềm pềr geh dùl êt, hìu nhă bi neh lơh geh hìu dờng, kơ\ ngan. Bi Hiến chờ hờp đơs: “Ală nam lài, kis tàm hìu sèt, kơlik mờ dơm chi pluh bềng tơn, bơnàng hìu mờ ù den tàng kal ke ngan. Pa do, geh ală kơnă công đoàn sền gròi, dong kờl hìu nhă lơh geh hìu pa kơ\ kơljap do, ngan là sa tềp nam do tàm hìu pa do hìu nhă geh ram mhu\, tơl làm mờ chờ hờp rlau.”

Kung geh dong kờl 30 tơlak priă bơh broă lơh “Hìu ơm Công đoàn” bơh Liên đoàn cau lơh broă kơnhoàl Buôn Đôn, hìu nhă bi ùr Lê Thị Bích Phượng tàm [òn 15, xã Tân Hoà neh lơh geh hìu ơm kơljap ngan, ơnàng rlau 70 thơk vuông. Bi ùr Phượng pà git, bau neh rlau 7 nam, bơklau ờ geh broă lơh kơljap, mìng priă nhai bi ùr dê ờ tơl nàng kơ lôi rơcang 4 nă cau tàm hìu nhă in. Kờ` tơnguh priă lơh geh, bi ùr pal dan lơh drơng gàr bơdìh tơngai lơh broă nàng kơ lôi rơcang rài kis in. Ròng 2 nă kòn dềt sàu sa, bơsram sră neh bòl glar, kal ke, den tàng ờ khin sơ nơng tus broă lơh hìu. Bi ùr Phượng pà git: “Lài do, 2 nă ùr bơklau a` lơh mìng tơl nàng ròng kòn ờ khin sơnơng là geh hìu ơm bè do. Kơnờm geh bơta sền gròi bơh Công đoàn mpồl Đảng mờ mpồl bal neh dong kờl hìu nhă a` in 30 tơlak priă, pơgồp bal nàng lơh geh hìu do. Sa tềp nam do, geh hìu pa, jơh ùr bơklau mờ oh kòn sa tềp chờ hờp ngan, ờ gam kơlôi rơcang tai, mìng iang nùs lơh broă lơm.”

Tu\ do, Liên đoàn cau lơh broă kơnhoàl Buôn Đôn, càr Daklak geh 53 công đoàn tàm [òn lơgar, mờ mờr 2 rbô nă cau lơh broă sa priă nhai, khà hìu nhă r[ah kal ke ờ geh hìu ơm kơnhoàl dê geh mờr 8%. Jat jơnau đơs bơh Liên đoàn cau lơh broă càr Daklak, Buôn Đôn là kơnhoàl lam lài tàm broă lam sồr tă pơgồp kes priă “Hìu ơm Công đoàn” tàm càr. Mìng kờp is bơh nam 2006 tus tu\ do, kes priă “Hìu ơm công đoàn” neh tă pơgồp geh rlau 5 tơmàn 200 tơlak priă nàng lơh pa mờr 150 nơm hìu ai rlau 150 nă cau tơl niam rài kis nàng iang nùs lơh broă. Mò Mai Lin, Phó chủ tịch Liên đoàn cau lơh broă kơnhoàl Buôn Đôn pà git: Broă lơh “Hìu ơm công đoàn” là broă lơh geh kuơ ngan, cèng nùs nhơm niam dong kờl cau, dong kuang bàng, cau lơh broă sa priă nhai dà lơgar, cau lơh broă gơtìp kal ke bè hìu ơm geh kơljap rài kis iang nùs lơh broă. Mò pà git: “Ală cau tàm mpồl công đoàn geh dờp hìu ơm công đoàn den khi chờ hờp ngan, tài geh công đoàn ală kơnă sền gròi, khi geh iang nùs mut lơh niam kơ nòl geh jàu. Tàm nam 2017, bơdìh mờ bơta lam sồr cau tàm mpồl công đoàn den Liên đoàn cau lơh broă kơn hoàl geh broă lơh pa là lam sồr ală mpồl lơh sa kă bro tàm kơn hoàl dong kờl nàng pơnjat tai lơh hìu “Hìu ơm công đoàn” ai cau lơh broă in.

                                       Cau cih mờ yal tơnggit K’Duẩn