VOV4.K’ho- Ngai òr 24/11, Mpồl đơng lam Đảng càr Daklak bơyai lơh pơrjum tìp mat cau duh broă ală yàng gam lơh broă tàm càr.

Kuang bàng đơng lam Mpồl đơng lam Đảng càr Daklak mờ cau duh broă yàng, cau dong broă ală yàng cribơyai broă lơh yàng

Càr Daklak tu\ do geh 4 yàng dờng ngan, tàm hơ\ geh Yàng Bàp, Yàng Phờk, Yàng Tin Lành mờ Yàng Cao Đài bal mờ rlau 500 rbô nă cau don yàng, geh rlau 27% khà kờp làng bol tàm càr. Ală nam do, ală yàng tàm càr sùm sền gàr mờ brồ guh nùs nhơm kờn gơboh dà lơgar, brồ guh ală bơta kuơ nùs nhơm niam bơne\ bơh yàng dê, lơh jat niam gùng dà broă lơh bơh Đảng mờ kơrnoat boh lam bơh Dà lơgar dê, ală jơnau pal jat bơh càr dê, lơh niam kơnòl broă cau làng bol tàm lơgar, tam klac dùl nùs bal mờ jơi bơtiàn, kis “niam tàm rài kis lơh àng sơndah jơnau yàng”; jơh nùs lơh jat, lơh bal ală dơ\ lam sồr, ală srơh tàm pơrlòng kờn gơboh dà lơgar, ală broă lơh niam dong kờl mpồl bơtiàn, bơ\t bơtàu [òn lơgar pa…Uă Hìu jum, hìu yàng, anih duh broă yàng mờ ală cau dòn ală yàng neh gơ gơs là anih pơnrơ, cau pơnrơ jak tàm broă lơh broă sa, bơtàu tơnguh lơh sa, tơn jơh jơgloh tơrmù r[ah, bơ\t bơtàu rài kis ngac ngar jak chài tàm tiah ơm kis, gàr niam bơta lơngăp lơngai ờdo ờdă tàm [òn lơgar. Tàm nùs nhơm tam klac bal, sơrmah sơrmài, ală cau duh broă yàng, ală cau dong broă ală yàng geh jơnau đơs chờ hờp tềng đap bơta bơtàu tơnguh lơh sa mpồl bơtiàn bơh càr dê.

Ala mat cau duh broă yàng geh jơnau đơs

Ală cau duh broă ală yàng đơs tờm geh ngui gơnoar broă he dê nàng pơn jat tai mblàng yal, lam sồr cau don yàng lơh jat niam ală gùng dà broă lơh bơh Đảng, kơrnoat boh lam bơh Dà lơgar dê; jơh nùs lơh bal ală srơh tàm pơrlòng kờn gơboh dà lơgar.

Cau cih mờ yal tơngi\t- Lơ Mu K’ Yến