VOV4.K’ho – Jat khà kờp bơh mpồl lơh sa kă bro atbồ broă lơh bơtơt rơbòng dà càr Daklak, tu\ do, tàm khà 554 bơtơt rơbòng dà bơh mpồl lơh sa kă bro atbồ den geh 185 tơnau dơng dà jat mờ khà geh bơceh lơh; 98 tơnau dơng dà geh bơh 70 tus 90%; 87 tơnau dơng dà geh bơh 50 tus 70% mờ 62 tơnau dơng dà hơđơm 50%. Tàm hơ\, ală tơnau dơng dà hơđơm 50% tơr gùm uă tàm ală kơnhoàl Krông Ana, Lak, Krông Pach, Cư Kui`. Tu\ do, mpồl lơh sa kă bro gam mut lơh ờ uă rơndap broă rơcang sơndră trồ prang dờng soat dà tus mờ kàl lơh sa mrềt prang 2015 – 2016 bè tuah wàs rơbòng dà nàng pờ gùng dà hòr, lơh niam ală mai\ [ồm nàng rơcang [ồm dà tus mờ ală tơnau gam dà. Tàm hơ\, bơtơt rơbòng dà Buôn Triết neh [ồm rơcang sơndră bơta ờ tơl dà tus mờ rlau 500 lồ kòi bơh ngai 31/12/2015. Geh git, tus tu\ do, tàm ờ uă tiah tam uă kơphe bè kơnhoàl Ea Hleo, Krông Buk làng bol [ồm kơphe dơ\ 2, dơ\ 3 pal kơp dà; ờ uă tiah tam kòi kung neh sơn đờm [ồm dà rơcang sơndră trồ prang dờng soat dà. Ală tiah gam lòt sền bơta trồ prang dờng soat dà mờ tơr gùm mut lơh ală rơndap broă rơcang sơndră trồ prang soat dà kờ` geh cồng nha uă ngan rlau jơh.

                                                             Cau cih mờ yal tơngit K’ Duẩn.