VOV4.K’ho – Ngai òr, 16/11, mpồl lơh broă bơh Mpồl đơng lam dà lơgar bè rơcang sơndră trồ tiah lơh aniai neh geh dơ\ lơh broă mờ kuang đơng lam bồ Anih duh broă làng bol càr Daklak bè broă lơh do.

Mìu dà ko\ dà cò lơh pả rbàng gùng rơndeh sồ 9 

3 nam do, hoàc huơr bơh trồ tiah lơh aniai, trồ prang dờng soat dà tàm Daklak sùm gơguh jơnhua; mìng is nam do hoàc huơr mờr 4 rbô tơmàn priă, ndrờm mờ khà tă dia gùt nam. Tàm hơ\, uă ngan là tài bơh trồ prang dờng soat dà jo\ jòng tàm nhai prang, bal mờ dơ\ mìu dà ko\ dà cò bồ nhai 11 pa do. Bơh priă dong kờl bơh dà lơgar, kes priă càr mờ kes priă rơcang sơndră trồ tiah lơh aniai, càr Daklak neh tam pà rlau 180 tơmàn priă nàng bơsong jơnau gơlời wơl, mơkung pà 1 rbô 500 tấn phe dong làng bol in. Đơs niam bơta rơcang lài bơh càr Daklak dê tàm broă rơcang sơndră trồ tiah lơh aniai, mpồl lơh broă sồr càr pal lòt sền wơl ală bơ tơt rơbòng dà, gàr tơl dà [ồm nhai prang in; lơh niam gùng lòt, chồl pràn broă mblàng yal nàng làng bol in git rơcang lài tam dră mờ trồ tiah lơh aniai.