VOV4.K’ho- Kờn cèng tus ală oh dềt kis tàm tiah sar lơgar ngài, tiah kal ke in dùl kàl rlô bơkang geh kuơ ngan, ală mpồl cau bơh càr Daklak dê neh lơh ngan lơh geh uă anih nhơl geh kuơ lời ai ală oh dềt in bơh broă lơh tơnguh jơnhoa cồng nha broă lơh, lơh uă ală broă lơh, lam lơh ală broă gơ cèng bơta bơto tơngkah uă, gơhòi gơ jà ală oh lơh bal tàm ală broă lơh bal. Mờ tơngume “Tài rài kis ờdo ờdă, rơcang sơndră rềs àr, sồt să ai kơnòm dềt in” bơh ală ngai bồ kàl rlô bơkang tơn, Mpồl ơruh pơnu càr Daklak neh rơcang lài lơh uă broă lơh kàl rlô bơkang ai kơnòm dềt in tus 23 mpồl ơruh pơnu kơnă hơđơm gơ wèt bal in. Tàm hơ\, tơrgùm sền gròi tus kơnòm dềt tiah sar lơgar ngài, tiah kal ke. Gơ jat tàm bơta geh ngan tàm tiah he dê mờ jat tàm tơl sơnam deh, nùs kờn bơh ală oh dê, ală mpồl ơruh pơnu kơnă hơđơm bơyai lơh ală broă lơh dipal gơ hòi gơ jà ală oh lơh bal.

Cau cih mờ yal tơngi\t- Lơ Mu K’ Yến