VOV4.K’ho - Mơgùl khà sồ bơtàu tơngguh lơh sa mpồl bơtìan càr Daklak di gơlan geh ờ lơh geh broa\ lơh nam 2015, do la jơnau đơs  wơl bơh anih duh broa\ làng bol càr Daklak tàm dơ\ pơrjum tơnjơh 9 nhai bơyai lơh ngai òr (01/10). 9 nhai bơh nam 2015,  lơh sa Daklak pơnjat tai  pal kong mờ ua\ ngan kal ke, tu\ jơh ala\ khà sồ bơtàu tơngguh drờm ờ hềt mut lơh tus 70% broa\ tàm nam, geh tu\, ua\ khà sồ lơh geh gam lơyah rlau bal tu\ mờ nam lài. Bulah lơh sa gam ua\  ngan kal ke, mơya càr gam lơh niam ala\ khà broa\ lơh bè lơh sơnơm, bơto bơsram,  sền gàr ngap lơngai mpồl bơtìan, ờ do ờ da\ gùng lòt. Ồng Mai Trọng Dũng kuang jat jơng atbồ Gah lơh broa\ sa mờ bơtàu tơngguh càr Daklak, đơs:“Gah lơh broa\ sa geh lơh bal mờ ala\ tiah tàm càr geh dong broa\ tus anih duh broa\ làng bol càr tơlik ngui  sra\ nggal sồr bè sơndra\ trồ prang mờ mờr tus do geh crơng gơs mpồl đơng lam sơndra\ trồ prang, geh đơs tus ala\ tiah tàm càr ai bơh bơta yal tơnggit bơh anih tờm yal tơnggit lài bè trồ tiah dà lơgar nàng geh tam pà dà, prap dà  nàng geh tơl dà, mờ ngan ngồn la pơlam tus ala\ tiah rơndap chi tam di pal, pal geh broa\ lơh  sih tàm kung bè tu\ tơngai lơh sa di pal nàng tơmù gơbàn hoàc hươr tu\ gơlik trồ prang”.

                             Cau cih mờ yal tơnggit K’ Brọp.