VOV4.K’ho – Lơh jat dơ\ lam sồr “Cau kơnòm să pơgồp bal bơta pràn bơt bơtàu [òn lơgar pa mờ gơguh jak tiah drà”, nhai ơruh pơnu nam do, cau kơ nòm să càr Daklak neh mut lơh uă broă lơh, bơyai lơh uă broă lơh pơ gồp bal bơta pràn tài rài kis mpồl bơtiàn, gàr tơl niam rài kis mpồl bơtiàn. Bơh tiah sar lơgar ngài tus tiah drà, ndrờm geh tềl kah kir bơh bơta pràn cau kơnòm să dê, lời wơl bơta sơnơng niam bơne\ tàm mpồl bơtiàn mờ gơnoar atbồ tàm [òn lơgar.

Bơh bồ nhai 3 tus tu\ do, hìu nhă bi ùr H’Nhíp Niê, ơm tàm [òn K’bu, xã Hoà Khánh, [òn dờng Buôn Ma Thuột sùm geh git nđờ jơt nă đoàn viên ơruh pơnu dong ală broă lơh bè tờ ù, pơndiang gac, bơrlu\ sơmang mờ bràs nàng lơh hìu. Bi ùr H’Nhíp Niê pà git, să tờm bi ùr gơtìp kuet kơlte, hìu nhă den gal kòn, rài kis tu\ lơi kung gơtìp siơu\ siar, den tàng ờ khin kơlôi tus broă lơh hìu. Bồ nhai 3 do, thành đoàn Buôn Ma Thuột lam sồr tă pơgồp dong kờl hìu nhă 30 tơlak priă nàng lơh hìu ơnàng rlau 60 thơk vuông, dong hìu nhă bi ùr geh hìu ơm kơ\ kơljap. Bi ùr H’Nhíp Niê chờ hờp yal: “A` dan ưn ngài ală đoàn viên mờ kuang đơng lam bồ thành đoàn neh dong kờl lơh hìu ơm ai hìu nhă bol a` in, tu\ do ală bơyô đoàn viên kung gam dong lơh bơnàng hìu mơya ờ hềt gơs, să tờm a` kung ờ huan pràn den tàng ờ jai lơh broă lơi. Phan sa dà hùc pah ngai gam siơu\ siar ngan, pah tu\ kòn sau kòp jê, a` pal lòt lơh ơpah nàng geh priă blơi sơnơm, ù tiah den ờ geh nàng tam phan. A` kơp kờ` kuang đơng lam bồ thành đoàn sền gròi dong kờl mờ pơn jờng hìu nhă bol a` uă rlau tai.”

Kham kòp mờ pà sơnơm 

Ai tàm kơnhoàl Krông Ana, bi ùr Lê Thị thanh Thảo, Bí thư huyện đoàn pà git, tơnơ\ mờ dơ\ lam lơh nhai ơruh pơnu, jơh ală chi bộ tàm [òn lơgar neh mut lơh mơ ală broă lơh ơruh pơnu. Tus tu\ do, neh geh rlau 850 nă đoàn viên ơruh pơnu tus bal ai is mhàm, git nđờ rbô nă đoàn viên ơruh pơnu tă pơgồp ngai lơh broă, dong lơh hìu tam klac dờng, lơh rbàng [ă gan dà croh, lơh gùng lòt tàm [òn lơgar, pơs wàs [òn ơm kis, tam chi… Bal mờ hơ\ là lam sồr mpồl lơh sa kă bro, cau geh nùs nhơm niam tă pơgồp priă jền, phan bơna kờp tus mờr 200 tơlak priă nàng mut lơh broă gàr tơl niam rài kis mpồl bơtiàn. Bi ùr Lê Thị Thanh Thảo pà git: “Lơh jat nhai ơruh pơnu nam 2017, bol a` neh lơh 1 [làng nhơl bơlai tàm [òn K’Tăl, xã Ea Bông kờp priă rlau 12 tơlak. Pơnjat mờ hơ\ là bơyai lơh ai is mhàm nam 2017, bal mờ hơ\ den gam bơyai lam lơh ală broă lơh ơruh pơnu gam wơl bơh nam 2017 dê. Dan dong kờl 59 tấn sơmang bơh ală mpồl lơh sa kă bro tàm kơnhoàl nàng lơh gùng lòt [òn lơgar pa, đơs  bal jơh ală đoàn viên ndrờm tus bal jơh nùs ngan.”

Ai is mhàm dong kờl cau 

Kờp tus tu\ do, ală chi đoàn Daklak neh tam geh mờr 100 rbô tờm chi ală bơta, chồl pràn ală broă lơh “Ngai dơ\ 7 lơh broă dong kờl is”, “Ngai rlô tơlir”, lam lơh lòt tam gùng jiơ plai ù, mut ngui mờ top [àng broă lơh ơruh pơnu “Sòl àng gùng [òn” mờ 50 kơi sồ gùng đèng tàm ală tiah, mut lơh broă dong kờl nhai pơr lòng, pơlam jòi broă lơh. Kuơ màng, tàm broă lơh ơruh pơnu lơh broă dong kờl is, cau kơnòm să càr Daklak neh mut lơh 4 broă lơh ơruh pơnu kơnă càr là crap lơh mai\ jồr dà sàng, tuah wàs rbòng dà, lơh hìu khăn quàng pơr hê, lơh 15 [làng nhơl bơlai tàm 15 kơn hoàl, thị xã, còp mờ pà phan ală hìu nhă geh sră dong kờl bơh dà lơgar, cau ling kòp tê jê să mờ priă tă pơgồp geh rlau 1 tơmàn 200 tơlak priă; rlau 123 rbô nă đoàn viên tàm càr tus bal broă ai is mhàm…

Lơh rbàng tàm [òn 1C

Bi Y Nhuân Byă, Bí thư tỉnh Đoàn Daklak pà git, mpồl ơruh pơnu là mpồl lam lài tàm ală srơh mờ jơnau đơs “tiah lơi kờn ơruh pơnu geh – tiah lơi kal ke geh ơruh pơnu”. Bi Y Nhuân Byă đơs tờm: “Bơh bồ nam, mpồl lơh broă sùm tỉnh Đoàn neh rơcang niam ală tơngume nàng đơng lam dùl ròt tàm gùt càr, đoàn kung gam là mpồl lam lài. Tus tu\ do, 100% kơnhoàl, thị xã, thành đoàn neh mut lơh nhai ơruh pơnu. Tơnơ\ mờ tu\ lam lơh den neh lơh ală broă lơh ngan ngồn bè lơh hìu nùs nhơm, lơh hìu khăn quàng pơr hê ală oh dềt in, lơh gùng bêtông tàm [òn…”

Gơtùi đơs, ală srơh lam lài, lơh broă dong kờl is bơh mpồl đoàn viên ơruh pơnu càr Daklak neh dong làng bol tàm càr pin dờn rlau tàm dùl rơnàng kơnòm să nhap nhar, bơceh pa, lơh broă krà` cê mờ geh cồng nha, kis jơh pràn tài tơl nă cau. Bơta tă pơgồp bal bơta pràn bơh cau kơnòm să càr Daklak dê mờ ală broă lơh ngan ngồn neh pơgồp bơnah bal mờ gơnoar atbồ mờ làng bol tàm [òn lơgar mut lơh geh cồng nha broă lơh bơt bơtàu [òn lơgar pa.

                                                              Cau cih mờ yal tơnggit K’Duẩn