VOV4.K’ho- Jat Mpồl ròng phan mờ lơh sơnơm phan ròng càr Daklak yal, kòp sồt mbùng gơtă nđias gam lơh bơtờp uă ngan tàm pe kơnhoàl tàm càr, là: Buôn Đôn, Ea Súp mờ Krông Bông, bal mờ rlau 350 nơm rơpu, kơnrồ gơtìp bơtờp kòp. Anih duh broă làng bol càr Daklak neh geh Kơrnoat yal kòp tàm 3 kơnhoàl do, ală kơnhoàl gam wơl geh sền là tiah gơtìp pơhìn. Nàng kơryan kòp sồt mbùng gơtă nđias, Anih duh broă làng bol càr Daklak sồr ơm ing ală broă lơh kă bro, pơndiang ntrờn phan ròng [ươn bơtờp kòp sồt mbùng gơtă nđias mờ phan bơna bơh ală phan ròng do lik mu\t tàm tiah geh kòp. Càr jàu Gah Lơh broă sa mờ bơtàu tơnguh [òn lơgar càr in pơgồp bal mờ Anih duh broă làng bol ală kơnhoàl mu\t lơh broă lơh rơcang sơndră kòp, tơrgùm jơh priă jền bal mờ bơta pràn nàng kơryan kòp, mu\t lơh mhar ală broă lơh bè rơcang sơndră kòp. Anih lơh broă priă jền ală kơnă di tu\ pà priă jền tơl drơng broă lơh kơryan kòp phan ròng jat di jơnau cih bơh adat boh lam gam ngui tu\ do dê.

Cau cih mờ yal tơngi\t- Lơ Mu K’ Yến