VOV4.K’ho- Mho òr 28/7, Gah Kă bro mờ lơh sa mờ măy mok dà lơgar pơgồp bal mờ Anih duh broă làng bol càr Daklak bơyai lơh Pơrjum yal tơngi\t bè bàr pe Jơnau pơrgon kă bro khat gơboh mờ Việt Nam lơh bal. Tàm dơ\ pơrjum, kuang bàng đơng lam bồ ală gah sơnah lơh broă càr mờ ală mpồl tam klac ală mpồl lơh sa kă bro càr Daklak neh iat cau ala mat Gah Kă bro mờ lơh sa mờ măy mok dà lơgar yal bè ală tơngume geh gơrềng tus Jơnau pơrgon tam klac lơh broă bal gùt Thái Bình Dương (TPP) mờ bơta lơh bal bơh Việt Nam dê. Gah Kă bro mờ lơh sa mờ măy mok dà lơgar, đơs: tu\ Việt Nam lơh bal ală jơnau pơrgon kă bro khat gơboh den geh lơh geh uă bơta [ươn, tu\ tơngai niam lơh pràn tăc mờ lơgar ndai ală bơta phan jơh bal bè khà phan tăc mờ bơta niam phan bơna, tơnguh bơta pràn jak blơi bơh lơgar ndai ală phan ngui, măy mok jak chài pa, lơh geh tơl ală bơta niam bơcri priă wơl uă mờ tơnguh jơnhoa broă lơh sa bơh mpồl lơh sa kă bro dê. Mơya, Việt Nam kung tìp uă bơta lòng tài bơh bơta pràn tàm pơrlòng bơh rài lơh sa dê.

Cau cih mờ yal tơngi\t- Lơ Mu K’ Yến