VOV4.K’ho – Ngai òr 22/6, Mpồl đơng lam lam sồr pà mhàm dong kờl is càr Daknông bơyai lơh Pơrjum jờng rơ cau Pà mhàm dong kờl is nam 2016. Đơs tàm dơ\ pơrjum, ồng Cao Huy kuang jat jơng atbồ Anih duh broă làng bol càr Daknông mơkung là Kuang atbồ Mpồl đơng lam lam sồr pà mhàm dong kờl is càr Daknông neh jờng rơ mờ cih dờp ală broă lơh niam ngan bơh ală cau lơh broă dong kờl is dê, sùm rơcang lài pà ală ntờc mhàm kuơmàng nàng dong kờl cau tàm ală tu\ gơtìp gơtu\ gơtơl, ngan là 75 mpồl cau, cau dùl nă să mờ hìu bơnhă pơnrơ ngan geh jờng rơ. Ồng Cao Huy đơs tờm, tơngai tus, ală kuang bàng tàm Mpồl đơng lam pơn jat tai bơsong ală kal ke, bơta ờ hềt niam ờ pràn jak nàng ai srơh Pà mhàm dong kờl is ngai sơlơ bơtàu tơnguh uă rlau tai, pơgồp bơnah uă ngan tàm broă lơh dong kờl cau.

                                                                                           Cau cih mờ yal tơngi\t- Lơ Mu K’ Yến