VOV4.K’ho - Ngai 2/3,  mpồl lòt sền sền gròi sồ 1, cơldu\ kảnh sát gùng lòt, kuang àng càr  Daknông, neh jàu cau sơnđan la Abdollah deh nam 1982, lơgar tờm la Iran  pa lơh gơbàn rềs àr rơndeh  lơh chơt cau tàm kơnhòal Bù Đăng, càr Bình Phước hơ\ sồng dô. Lài hơ\,  tàm mang 1/3,  cau do ma\y rơndeh dờng 4 kơghe\ nggui jù  geh bàng sồ  51G 30024 lòt tàm gùng Hồ Chí Minh (Gùng dờng 14 lài do) lòt bơh Bình Phước tus Daknông neh tơp chơt dùl na\ cau ùr tu\ gan tềng kơnhòal Bù đăng. Tơnơ\ dờp geh jơnau yal, mpồl lòt sền sền gròi sồ 1 neh lơh ngan ai jơh tơl cau lơh broa\ mut lơh broa\ tus anih ta\ pria\  gùng tềng xã Đắk Gằn, kơnhòal Dak Mil, Daknông  nàng kơryan cau dô gơbàn tìs. Jat kuang àng kơnhòal Bù Đăng,  cau gơbàn tơm chơt tàm dơ\ tơm rơndeh do la cau kis tàm  Đà Nẵng, tus hờ Bù Đăng còp bơyô. Rơndeh tìs geh ala\ cau lơgar cau  ơpah  bơh dùl na\ cau ùr  sơnđan Trần Thị Thanh Thúy kis tàm quận 7, [òn dờng Hồ Chí Minh. Tu\ do,  kuang àng càr Bình Phước gam lơh pơgap wơl tềng tam tơm rơndeh, anih tờm, cau hìu nha\ bơh cau  chơt mờ lơh loh bơh tài gơbàn tam tơm rơndeh.

                        Cau cih mờ yal tơnggit K’ Brọp