VOV4.K’ho – Ngai òr, 22/4, Mpồl ala mat cau lơh broă càr Daknông pơgồp bal mờ anih kơlôi sơnơng cau lơh gơlik phan mờ ala mat cau lơh broă, mpồl gơrềng lơh broă, mpồl ala mat cau lơh broă dà lơgar Việt Nam bơyai lơh cribơyai bè priă nhai mờ rài kis cau lơh broă tàm càr nam 2016. Tàm dơ\ cribơyai, ală kuang bàng neh tơrgùm cribơyai, ai jơnau đơs bè khà priă ngui sa, khà mpồl lơh sa kă bro, cau lơh broă, broă lơh tàm càr bè: bơta bơt bơtàu tơngume priă nhai, ngan là tu\ tam gơl ală mpồl lơh sa kă bro dà lơgar mờ pơ gồp bal bơh kơrnuat sồ 205 tus kơrnuat sồ 49 tơlik nam 2013 bơh gơnoar atbồ lơgar dê; broă bơsong priă nhai bơh sơn rờp jat bă tiah nam 2016 tàm ală mpồl lơh sa kă bro; priă nhai, priă lơh geh, priă nhai kờp bal lơh bơta kơnờm nàng tă tong priă blơi sră sền gàr sềr àr mpồl bơtiàn bơh cau lơh broă dê jat ală bơta mpồl lơh sa kă bro… Ală kuang bàng sồr tơnguh priă nhai bơh sơn rờp jat bă tiah nam 2017 bơh 15 tus 18% pơn drờm mờ priă nhai bơh sơn rờp jat bă tiah nam 2016 nàng pơ gồp bơnah tơnguh priă lơh geh, tam gơl rài kis cau lơh broă in.

                                       Cau cih mờ yal tơngit K’ Duẩn.