VOV4.K’ho – Mpồl lơh sa kă bro trà Daknông-TKV (Mpồl lơh sa kă bro dờng  lơh sa mờ măy mok chah mờ phan kuơ tàm ù Việt Nam) pa lơh gơlik geh cồng nha 1 tấn Hydrate bơh sơn rờp bơh Rơndăp broă lơh Hìu măy Alumin Nhân Cơ dê. Do là phan bơna tàm gùl tàm ală tu\ lơh gơlik bơh phan bauxite gơ gơs Alumina phan bơna, nàng tăc mờ lơgar ndai halà ngui tàm lơh sa mờ măy mok lơh gơs trà. Jat Mpồl lơh sa kă bro trà Daknông yal, di 1 tấn 7 tạ hydrate, tơnơ\ tu\ buh geh lơh gơlik geh 1 tấn Alumina. Tềng đap mat, mpồl lơh sa kă bro geh sền sơ wì nền bè bơnah bơh phan bơna hydrate pa geh lơh gơlik nàng jà tăc tàm drà. Dilah lơh geh tơl khà dunia dê, phan bơna geh khà priă pơgăp 200 dolar tàm dùl tấn. Rơndăp broă lơh Alumin Nhân Cơ, ntum Nhân Cơ, kơnhoàl Dak R’lấp, càr Daknông geh pràn lơh gơlik 650 rbô tấn pah nam, kờp jơh priă bơcri lơh là rlau 12 rbô tơmàn priă. Rơndăp broă lơh geh sơnđờm lơh bơh nhai 2/2010 lài do tu\ lơh broă geh 2 bơta phan bơna tờm là hydrate mờ Alumina.

Cau cih mờ yal tơngi\t- Lơ Mu K’ Yến