VOV4.K’ho – Ngai òr 26/4, Anih duh broă làng bol càr Daknông bơyai lơh Pơrjum tơn jơh srơh tàm pơrlòng jờng rơ nam 2015, lam lơh tàm pơrlòng nam 2016 mờ jàu pà Sră jờng rơ Dà lơgar Mè Việt Nam khin cha jak chài.

Tàm nam lài, ală srơh tàm pơrlòng tàm càr Daknông neh geh lam lơh tus tơl anih lơh broă, kơnhoàl, [òn drà mờ mpồl cau, mờ uă broă lơh, tơngume li la, broă loh làng, bơh hơ\ gơhòi geh uă ngan rơnàng làng bol lơh jat bal. Jơh gùt càr geh mờr 300 mpồl cau mờ rlau 400 nă cau lơh geh cồng nha jak ngan tàm ală srơh tàm pơrlòng kờn gơboh dà lơgar geh jờng rơ. Lam lơh dơ\ tàm pơrlòng nam 2016, Daknông geh jơnau kờn tàm pơrlòng pal gơ jat bal mờ broă mu\t lơh niam ală kơnòl broă kuơmàng bơh Kơrnoat Pơrjum dờng cau ala mat gùt lơgar dơ\ XII bơh Đảng dê mờ broă lơh, jơnau kờn tờm bơh Kơrnoat Pơrjum dờng Mpồl Đảng càr dơ\ XI, tơngai lơh broă bơh nam 2015- 2020. Di tàm dơ\ do, jat bơta jàu kơnòl bơh Kuang atbồ lơgar dê, kuang đơng lam càr Daknông neh jàu pà sră jờng rơ Mè Việt Nam khin cha jak chài ai mè Võ Thị Liễu in, ơm tàm ntum Đức Xuyên, kơnhoàl Krông Nô mờ pà sră jờng rơ Mè Việt Nam khin cha jak chài ai cau hìu bơnhă [ồc mè Hồ Thị Bảy in ơm tàm ntum Cư\ Knia, kơnhoàl Cư\ Ju\t, mờ [ồc mè Đoàn Thị Kiểm in tàm ntum Quảng Phú, kơnhoàl Krông Nô.

Cau cih mờ yal tơngi\t- Lơ Mu K’ Yến