VOV4.K’ho-Bal mờ ală càr tàm Tây Nguyên, bè Daklak, Gialai, làng bol càr Daknông kung gam ờ jòi geh drà kă bro ai phan bơna in den tàng muăt jrùm ngan lời sơrbì rơpual ồm tàm sươn.

Ồng Phạm Văn Thiệu, kis tàm [òn Thuận Hoà, xã Thuận Hạnh, kơnhoàl Dak Song geh sươn rơpual ơnàng 3 sàu tus tơngai tơnhàu. Ồng Thiệu pà gi\t, tàm bă ù do, nam lài ồng lơh geh 10 tấn rơpual, tăc geh priă cồng mờr 50 tơlak.

Nam do, hìu bơnhă ồng pơn jat tai tam mờ cồng tơnhàu geh uă rlau nam lài, digơlan lơh geh 12 tấn rơpual. Mơya, tus kàl tơnhàu, khà priă rơpual gơmù te\ uă ngan mơya kung gam ờ go\ geh sơl cau tus blơi, den tàng muăt jrùm ngan pal lời sơrbì ồm tàm sươn. Ồng Thiệu đơs bè do:

“A` kung tam sơl rơpual bơh lài tus tu\ do, kung nđờ nam do sơl mơya ờ hềt go\ nam lơi hoàc hươr mờ tăc ờ yòm bè nam do ờ. Tu\ do, ờ hềt geh cau lơi tus blơi, cau tus cau mìng sền lơm hơ\ sồng dô lòt te\. Kàr do rơpual dilah tăc den kung mìng geh tơl priă nàng bơsir priă blơi phơng sih lơm mơya tu\ do, kung ờ hềt geh cau lơi blơi sơl ”.

Ờ mìng is hìu bơnhă ồng Thiệu lơm, tu\ do geh gi\t nđờ rhiang lồ rơpual bơh cau lơh broă sa kơnhoàl Dak Song dê gam gơtìp ìs lời sơrbì tàm tơngai, ồm jơh tàm sươn. Dilah bơtuah cau kă phan tus blơi den kung mìng rwah ală plai rơpual niam, dờng mờ kơ` jơ\ bơh 3 ki\ rlau hơđăng lơm.

Bi Bùi Thị Ngoan, là cau tờm dùl anih blơi rơpual tàm ù tiah xã Thuận Hạnh, kơnhoàl Dak Song, pà gi\t:

“Jơh ală nam rềp ndo, tàm tơngai do là neh geh phan den tàng tàm Dak Song cau blơi bơh 8 tus 10 rbô đong dùl ki\, làng bol sền go\ geh cồng uă den tàng tàm đòm jat gơ\p tam uă ur ar, mờ tam tàm dùl tu\ tơngai bal den tàng tu\ do uă ir den tàng phan lơh geh uă mơya ngui sa ờ uă. Tu\ do, tàm đại lý cau blơi là 2 rbô đong dùl ki\”.

Jơh gùt kơnhoàl Dak Song tu\ do geh 800 lồ rơpual, uă ngan là tàm xã Thuận Hạnh. Bă rơpual do neh gơguh tus bàr dơ\ pơndrờm mờ 2 nam lài do. Jơnau tờm lơh khà priă rơpual gơmù uă ngan là tài bơh làng bol ur ar tàm đòm jat gơ\p rề ơnàng bă ù tam, bal mờ jơnau kơ\p kơnờm là rơpual tăc gơguh khà priă bè tơngai do ală nam lài dê.

Bal mờ hơ\, nam do trồ tiah niam den tàng rơpual lơh geh uă ngan, broă tơnhàu rơpual dùl tu\ bal mờ uă tiah ndai gơlam tus jơnau rơpual geh uă mơya ờ geh uă cau ngui sa. Kơnhoàl Dak Song kung geh uă broă lơh, lơh bal mờ ală drà tờm nàng blơi rơpual làng bol lơh broă sa in. Mơya, tài bơh rơpual uă ir tàm dùl tu\ tơngai bal den tàng ờ jai. Ồng Lê Viết Sinh, Phó Kuang atbồ Ủy ban Nhân dân kơnhoàl Dak Song, pà gi\t:

“Kàl rơpual bơh Dak Song dê tàm tòm bal dùl tu\ mờ kàl rơpual bơh Buôn Ma Thuột mờ bàr pe kơnhoàl gùt dar bè Tuy Đức, Krông Nô den tàng rơpual gam jơngkah uă ngan, broă blơi bơh ală anih dê gam bơcăp khà priă làng bol dê. Den bol a` kung mìng dong kờl bơta chài tam mờ sền gàr lơm kung bè dong kờl ală anih blơi lơm mờ ờ go\ geh priă dong kờl ai broă tăc ờ yòm bơh làng bol in”.

Jơnau geh wih geh wơl tơnhàu uă mơya tăc ờ yòm gam gơlik geh tàm rơpual tàm kơnhoàl Dak Song ờ go\ di là jơnau pa ờ. Do là jơnau gơlời wơl bơh broă ur ar tam ntoăt jat khà priă, lơh sa ờ go\ jat bơta rơndăp tăp sèng bơh uă ngan cau lơh broă sa tu\ do dê.

Dilah cau lơh broă sa ờ go\ rơcang lài mờ gờ` gi\t geh jơnau bơsram gơlơh đà ngan do den jơnau phan lơh geh mơya tăc ờ yòm geh ờ mìng gơtìp tàm rơpual lơm gời ờ mờ gơ kung gam digơlan geh lơh uă bơta chi tam ndai pal ko\ng aniai hoàc hươr ndrờm bè do sơl!

Cau cih mờ yal tơngi\t- Lơ Mu K’ Yến