VOV4.K’ho – Ngai òr 9/7, tàm xã Đăk Wil, kơnhoàl Cư\ Ju\t, càr Daknông neh geh lơh Broă lơh “Lòt gùng jat cơnđòa jơng ală cau khin cha jak chài” mờ lam lơh Nhai lơh uă kham mờ sơm kòp dong kờl kòn bơnus mờ sền gàr pràn kơldang să jan mpồl bơtiàn di dơ\ tơngkah 70 nam Ngai Cau ling sồt să- Cau ling chơ\t màng 27/7 bơh Mpồl đơng lam hòi jà pà mhàm dong kờl is- Broă lơh kham mờ sơm kòp dong kờl cau mờ Sa tềp tài cau r[ah, tài cau gơtìp aniai bơh sơnơm khih dioxin càr dê pơgồp bal mờ ală mpồl bơyai lơh.

Daknông pà phan hìu bơnhă chính sách in

Broă lơh do neh pà 300 bơnah phan, tơl bơnah phan tàm hơ\ geh 10 ki\ phe, mờ dùl kơlung phan sa bơtơl sơnđan mat NASASA RoYal ai ală hìu bơnhă chính sách, hìu r[ah in.

Kham kòp ai ală hìu bơnhă chính sách mờ làng bol kòn cau tàm xã Đak Wil, kơnhoàl Cư\ Ju\t, càr Daknông in

Bơdìh hơ\ tai, ală cau lơh sơnơm bơh Mpồl cau lơh sơnơm kơnòm să càr Daknông dê gam kham, sơm kòp mờ pà sơnơm ờ sa priă ai rlau 300 hìu làng bol in, kờp priă là pơgăp 40 tơlak.

Cau cih mờ yal tơngi\t- Lơ Mu K’ Yến