VOV4.K’ho – Bè Anih lơh broă jơnau đơs Việt Nam neh yal, tềng đap bơta tam pìt tam phà ù tiah đah làng bol ntrờn tiah kis khat gơboh mờ ală mpồl lơh sa kă bro tàm kơn hoàl Tuy Đức, càr Daknông gơlik geh ngai sơlơ kal ke, Phó Thủ tướng Trương Hoà Bình neh lòt sền ngan ngồn mờ đơng lam càr mut lơh rơndap broă gàr kơ\ kơljap làng bol ơm kis tàm 2 xã Dak Ngo mờ Quảng Trực. Bulah bè hơ\, tàm tu\ mut lơh neh gơtìp uă ngan kal ke. Tam lah đah làng bol sơ gràm ù tam phan mờ ală mpồl lơh sa kă bro kung gam gơlik geh. Bè hơ\ tus tu\ lơi hơ\ sồng gơtùi gàr kơ\ kơljap làng bol ơm kis Dak Ngo - Quảng Trực? Ồng Trương Thanh Tùng, Phó Chủ tịch UBND càr Daknông geh hơ jơnau lùp bơh cau ai tơnggit jơnau đơs Việt Nam dê:

Ơ ồng, mut lơh jơnau đơs pơn dut bơh Phó Thủ tướng Trương Hoà Bình dê bè broă mut lơh rơndap broă gàr kơ\ kơljap làng bol ơm kis Dak Ngo - Quảng Trực, bơh nam lài, UBND càr Daknông neh đơng lam gah lơh broă geh gơnoar mờ kơnhoàl Tuy Đức mut lơh ờ uă kơnòl ngan ngồn. Dan ồng pà git ờ uă cồng nha bơh sơn rờp:

Ồng Trương Thanh Tùng: Tus tu\ do, bơh kờp sền, tàm 2 xã Quảng Trực mờ Dak Ngo, tàm bă ù 16 rơndap broă bơh mpồl lơh sa kă bro is dê mờ bă ù atbồ bơh 2 kong ti lâm nghiệp dê den geh mờr 1 rbô 522 hìu nhă làng bol, mờ 6 rbô 793 lồ ù gơtìp sơgràm tìs. Tàm hơ\, tàm 5 rơndap broă tàm xã Quảng Trực gam là tiah gơlik geh tam pìt tam phà ù tiah, geh 681 hìu nhă gam sơ gràm 1 rbô 865 lồ ù. Dơ\ 2 là neh đal git rơndap ù tiah 6 [òn làng bol ơm kis nàng crơng gơs [òn, digơlan rơndap ai 1 rbô 233 hìu nhă làng bol in ơm kis.

Jat jơnau đơng lam bơh Phó Thủ tướng dê, den pal krà` cê ai wơl bă ù neh jàu ală mpồl lơh sa kă bro in mơya ờ lơh broă halà lơh mơya ờ geh cồng nha nàng jàu wơl làng bol ờ geh ù lơh sa in. Bè hơ\ neh geh mpồl lơh sa kă bro lơi gơtìp ai wơl rơndap broă halà ờ hềt, ơ ồng?

Ồng Trương Thanh Tùng: Broă ai wơl ù bơh ală mpồl lơh sa kă bro ờ mut lơh rơndap broă halà lơh ờ geh cồng nha den neh geh càr đơng lam Sở Tài nguyên mờ Môi trường lòt sền bơta ngui ù mờ mut lơh rơndap broă bơh ală mpồl lơh sa kă bro dê. Nam 2016, UBND càr neh ringbal ai wơl dùl bơnah bă ù bơh 5 mpồl lơh sa kă bro dê mờ bă ù là rlau 939 lồ, tàm hơ\ tàm xã Dak Ngo mờ Quảng Trực geh 2 mpồl gơtìp ai wơl mờ bă ù rlau 60 lồ. Tu\ do, Sở Tài nguyên mờ Môi trường gam đo was, lơh sră ai wơl. Tỉnh uỷ mờ UBND càr đơng lam krà` cê broă kòp sền, sền sơwì jơh ală rơndap broă tàm càr nàng bơsong jơh ală bơta ờ niam, ală broă lơh tìs, tàm hơ\ geh broă ai wơl bă ù mut lơh ờ geh cồng nha nàng atbồ mờ rơndap ai ngui.

Ơ ồng, jơnau sồr dờng ngan rlau jơh mờ pal lơh mơ jat jơnau đơng lam bơh Phó Thủ tướng dê là gàr kơ\ rài kis, gàr kơ\ broă lơh sa, sền gròi tus broă lơh bơ to bơsram, lơh sơ nơm mờ ală kơrnuat chài rơ gơi ndai ai làng bol 2 xã in. Mờ bơta bè tu\ do, kơ nòl do gơtùi mut lơh mơ làh ờ, ơ ồng?

Ồng Trương Thanh Tùng: Sở Nông nghiệp mờ Phát triển nông thôn neh lơh jơh “Rơndap broă jal mhar gàr kơ\ làng bol ntrờn ơm kis khat gơboh tiah nhàr dà lơgar xã Quảng Trực mờ Dak Ngo, kơnhoàl Tuy Đức, càr Daknông” mờ priă mut lơh digơlan 182 tơmàn priă, kờp du\ lài geh tong UBND càr in ki\ tàm nhai 5 nam 2017. Tơnơ\ mờ tu\ geh ală gah, sơnah lơh broă dà lơgar sền sơ wì priă bơcri mờ ai priă mut lơh, UBND càr Daknông geh đơng lam mut lơh rơndap broă do mhar ngan rlau jơh. Tềng đap mat, tơr gùm tàm broă bơt bơtàu phan bơna kuơ màng tàm ờ uă [òn làng bol ơm kis bè gùng lòt, hìu lơh broă ală mpồl atbồ is, đèng, hìu sơnơm… nàng gàr ală hìu nhă làng bol in geh tơl bơta drơng tàm rài kis.

Bơta kuơ màng bơh broă gơlik geh là atbồ làng bol ơm kis. Tài broă atbồ làng bol ơm kis bơh sơn rờp ờ krà` cê, den tàng gơlik geh uă bơta kal ke mờ jơnau gơ lời wơl kơn jơ\ ngan. Broă lơh bơh kuang đơng lam bồ càr Daknông dê bè bơta do mbè lơi, ơ ồng?

Ồng Trương Thanh Tùng: Ngan bè hơ\, bơta tờm ngan bơh broă gơlik geh là atbồ làng bol ơm kis. Kờ` bơsong jơh bơta do, Tỉnh uỷ neh tơlik Nghị quyết bè sơlơ tơnguh rlau tai bơta đơng lam bồ bơh Đảng dê tàm broă atbồ, ngui ù tiah gơ jat bal mờ atbồ làng bol ơm kis tơngai bơh nam 2016 tus nam 2020. Jat mờ hơ\, UBND càr neh tơlik broă lơh mờ lam mut lơh, ai tơlik 26 kơ nòl broă. Broă lơh bơh càr dê là pal tơr gùm mut lơh krà` cê ală kơ nòl, ală broă lơh jat rơndap broă.

Lài ngan là mut lơh broă mblàng yal, lam sồr làng bol lơh jat adat boh lam bè broă atbồ, sền gàr brê mờ lơh jat broă rơndap tap sèng kung bè ală jơnau sồr bơh càr dê; krà` cê lơh glài ală cau sơ gràm, tac ù brê tìs mờ kơrnuat boh lam. Dơ\ 2 là krà` cê ai wơl ală bă ù brê neh jàu ală mpồl lơh sa kă bro in atbồ, mơya mut lơh rơndap broă ờ geh cồng nha. Dơ\ 3 là mut lơh broă rơndap sap sèng làng bol ơm kis tơr gùm bal, wèt tus crơng gơs ală mpồl hành chính kơnă [òn, dong làng bol mhar gàr niam rài kis mờ broă lơh sa.

Ơi, dan ưn ngài ồng!

                    Cau cih mờ yal tơnggit K’Duẩn