VOV4.K’ho-Tàm tiah Tây Nguyên, Daknông là càr geh cồng nha gơ hòi gơ jà bơcri priă niam ngan, geh nam lơh sră cơng tàng bơcri priă ai 40 rơndăp broă lơh in, mờ kờp jơh priă bơcri là rlau31 rbô tơmàn. Mơya, do kung là càr pơnrơ tàm tiah do bè bơta uă ir sră nggal hành chính, lơh tiah bơcri priă ờ huan lơh gơkờn cau. Tơn jơh jơnau geh ngan do, tơngai rềp ndo, Daknông neh lơh uă broă lơh tă bơsong kal ke ai mpồl lơh sa kă bro in, lơh niam wơl tiah bơcri priă. Ồng Lê Văn Một, Kuang atbồ Trung tâm hòi jà bơcri priă càr Daknông geh đơs loh làng rlau tai bè bơta do.

Ơ ồng! Bè jơnau đơs wơl bơh bàr pe mpồl lơh sa kă bro dê, khi gam tìp uă ngan bơta kal ke bè lơh sră nggal, bè lơh jat ală gùng dà broă lơh gơ hòi gơ jà bơcri priă mờ ai ù lơh broă tu\ lơh tàm ală rơndăp broă lơh tàm Daknông, bè hơ\ ồng geh jơnau đơs bè lơi bè bơta do?

Ồng Lê Văn Một: Jat a` đơs, den do kung là jơnau đơs ngan, đơs wơl di bơta geh ngan tu\ do; tơnggo\ bơta jơnau yal bơh mpồl kơlôi sơnơng bơh Đại học Luật kinh tế [òn dờng Hồ Chí Minh dê. Ngan bơh ală bơta do, den càr neh sền go\ là, jơnau do kờn pal lơh tam gơl pa, càr neh sồr tam gơl Kuêt định sồ 02 bơsong sră nggal hành chính tàm broă bơcri priă. Dơ\ bàr là kờp sền ală sră nggal geh gơrềng tus bơcri priă gơmù pơndrờm mờ jơnau ai…

Tàm broă ù tiah gơrềng tus tơm priă ai ù, den do kung là jơnau đơs wơl di mờ bơta geh ngan, ngan bơta do, càr kung geh ală gùng dà broă lơh. Mùl màl, càr neh crơng gơs ală mpồl lơh broă tơrgùm bơsong ală kal ke, kòl yan ai mpồl lơh sa kă bro in; dơ\ bàr là càr sùm bơyai lơh ală dơ\ tìp mat cribơyai; dơ\ pe là bal mờ broă tìp mat cribơyai broă dilah mpồl lơh sa kă bro geh ală bơta nisơna den kuang đơng lam bồ càr kung ai sơl tu\ tơngai nàng tìp mat mờ tơrgùm bơsong ai mpồl lơh sa kă bro in.

Càr geh uă rơndăp broă lơh geh ai sră lơh broă mơya, gơtìp ờ lơh halà lời sơrbì tài bơh ală jơnau lơi mờ bơsong bè lơi, ơ ồng?

Ồng Lê Văn Một: Tu\ do, bol a` kung gam kờp sền wơl ală rơndăp broă lơh bơcri priă tàm ù tiah càr Daknông tơnơ\ tu\ geh Ủy ban Nhân dân càr pà sră cơng tàng bơcri priă. Bơh lòt sền bơh sơn rờp, khà rơndăp broă lơh geh lơh niam sơl, di mờ jơnau neh hơ là pơgăp 1/3. Ai ală rơndăp broă lơh geh lơh lơyaì halà ờ lơh tài ală jơnau, bè: Dơ\ dùl là cau bơcri priă ờ geh dùl êt priă jền lơi; dơ\ bàr là broă tơm priă ai ù lơh broă gơrềng uă ngan tus ală cau bơcri priă; dơ\ pe là nùs nhơm ală cau bơcri priă tus mờ Daknông nàng coă bồ, mơya tơnơ\ hơ\ ờ hềt di mờ jơnau kờn, den là cau lơh nền ờ bơcri priă lơh tai.

Tàm tơngai tus, Daknông geh ală gùng dà broă lơh bè lơi tàm broă gơ hòi gơ jà bơcri priă, ngan là ală tam gơl lơh geh tơl ală bơta niam dong kờl ai mpồl lơh sa kă bro in, ơ ồng?

Ồng Lê Văn Một: Nàng lơh geh tơl ală bơta dong kờl ai ală cau bơcri priă in, càr Daknông kung neh geh ală kơ cê chính sách kung bè ală sră nggal bơto pơlam bơta chài bơcri priă. Mùl màl, càr neh geh Kuêt định sồ 02 bơsong ală rơndăp broă lơh bơcri priă, lơh sră nggal. Bè kơ cê chính sách den càr kung neh geh uă kơ cê chính sách dong kờl ai mpồl lơh sa kă bro in bơcri priă bơtàu tơnguh tàm Daknông jo\ jòng.

Tàm tơngai tus, bol a` geh tơrgùm hòi jà ală cau bơcri priă tàm ală bơta pràn bơh càr dê. Mùl màl là tàm broă lơh gah kông nghiệp tơnhàu phan kuơ tàm ù lòt jat 2 rơndăp broă lơh hìu măy Alumin Nhân Cơ mờ điện phân trà, den bol a` hòi jà ală gah dong kờl ndai lòt jat bal broă lơh do. Dơ\ bàr là tơrgùm hòi jà ală rơndăp broă lơh bơcri priă tàm gah lơh broă sa sươn sre ngui kông nghệ cao.

Nhơl chờ kung là dùl tàm ală broă lơh pràn bơh Daknông dê. Bol a` kung neh lơh mat broă hòi jà bơcri priă tàm gah nhơl chờ. Uă ngan là nhơl chờ sinh thái pơgồp bal mờ ơm rlô tàm tiah nhơl chờ Nam Nung mờ tiah nhơl chờ sinh thái Tà Đùng..., bè rơgồng bơnơm ồs tàm kơnhoàl Krông Nô.

Ơi, ưn ngài ồng uă ngan!

Cau cih mờ yal tơngi\t- Lơ Mu K’ Yến mờ K’ Brọp