VOV4.K’ho- Ngai òr 20/4, tàm thị xã Gia Nghĩa, càr Daknông, Gah đơng lam ling klàng càr Daknông bal mờ Tiểu khu ling klàng càr Mondulkiri, lơgar Campuchia bơyai lơh pơrjum lơh broă bal dơ\ 3.

Dơ\ cribơyai tàm Daknông

Dùl nam do, bàr gah pơn jat tai geh uă broă lơh bơtàu tơnguh pa tàm broă lơh bal, kơryan geh cồng nha ală broă lơh bơh cau lơh tìs ngòt rơngơ\t dê, kơryan di tu\ cau dô gan nhàr lơgar tìs mờ adat boh lam; mu\t lơh niam broă lòt sền, gròi sền mờ sền gàr ală jrong nhàr lơgar…Gah đơng lam ling klàng càr Daknông kung lam lơh uă dơ\ lòt còp, pà phan ală mpồl ling mờ làng bol càr Mondulkiri in; dong kờl phan ngui lơh broă, hìu ơm, kham kòp, pà sơnơm ai cau r[ah in mờ kờp jơh priă tă lơh ală broă do là rlau 3 tơmàn 500 tơlak. Tàm dơ\ pơrjum, kuang đơng lam bồ 2 càr neh ki\ sră cih kah lơh broă bal dơ\ 3, chồl pràn ală broă lơh lòt sền bal, lơh geh tơl ală bơta [ươn ai broă lơh wah ù tiah sơn tơ\p jrong nhàr lơgar; sơlơ lơh broă bal tàm ală broă rơcang sơndră kă bro ma tuý, kă bro phan mờ lơgar ndai tìs mờ adat boh lam, pơndiang, koh kơl dơm chi brê tìs mờ adat boh lam; mờ pơn jat tai lơh pràn ală broă lơh gi\t gơ\p lơh broă bal, tìp mat, lơh quèng mờ lơh oh mi bal đah bàr gah.

Cau cih mờ yal tơngi\t- Lơ Mu K’ Yến