VOV4.K’ho – Anih duh broă làng bol càr Daknông pa tơlik kơrnuat bè broă mut lơh bơta dong kờl priă cồng ai càn tus mờ hìu nhă làng bol kòn cau ơm kis bơh jo\ tàm càr, tơngai bơh nam 2015 tus nam 2020. Jat mờ hơ\, broă dong kờl priă cồng ai càn geh mut ngui tus mờ ală hìu nhă làng bol kòn cau ơm kis bơh jo\ tàm càr càn priă nàng drơng lơh sa suơn sre mờ ală broă drơng ala lơh sa suơn sre, [òn lơgar geh: Càn priă drơng broă lơh sa, kă bro phan lơh gơs bơh suơn sre bơh broă lơh gơlik tus broă blơi, lơh gơs phan mờ tac; càn priă nàng lơh gơlik sơntìl tàm broă tam phan, ròng phan, phan tàm dà, tam brê mờ tac ală phan bơna, broă drơng ala drơng lơh sa suơn sre; càn priă nàng bơtàu tơnguh gah broă lơh geh lơh gơlik, prap gàr phan lơh gơs bơh sưon sre, phan brê, phan tàm dà; lơh gơlik phan bơt bơtàu; gle, đơr tà`, cơ khí dềt; bơsong, lơh gơlik phan bơna drơng broă lơh in; lơh phan mờ tê, tam mờ kă bro phan bơka. Khà dong kờl priă cồng geh mut lơh jat jơnau cih tàm bơnah 2, bơta 1 kơrnuat sồ 43 tơlik ngai 18/12/2014 bơh Mpồl duh broă ala mat làng bol càr dê.

                                    Cau cih mờ yal tơngit K’ Duẩn.